'حقك مصر جابتهولك يا محمد نام وارتاح يا حبيبي، أنت في الجنة، وهما في الدرك الأسفل من النار'، بهذه الكلمات علقت والدة النقيب محمد فاروق وهدان، شهيد مذبحة كرداسة، على تنفيذ حكم الإعدام الصادر بحق المتهمين في مذبحة كرداسة.
وقالت السيدة فاطمة فتحي والدة الشهيد لـ 'أهل مصر': 'لسة هنخلص على باقي الخونة، علشان يدوقوا اللي دقناه، كسروا قلبنا على أولادنا وأخدوا زهرة شبابنا، ورملوا زوجاتهم، ويتموا أطفالهم'.
وتابعت والدة شهيد مذبحة كرداسة: 'بقول للرئيس عبدالفتاح السيسي شكرا، أنت أب وحسيت بأمهات الشهداء وبحرقة الضنا، ونفسي الدولة تعلن العدد اللي تم إعدامه بشكل رسمي، مصر ماعملتش حاجة غلط، مصر نفذت شرع الله اللي قاله في كتابه، وكان نفسي أروح أشوفهم لحظة إعدامهم وأشفي غليلي'.
واردفت والدة الشهيد: 'النهاردة نار قلبي على ابني هديت شوية، بقول الإرهابيين ربنا ينتقم منهم ويحرق قلبهم واللي راح منهم في الدرك الأسفل من النار، قالوا يا نحكمكم يا نقتلكم، وقتلونا وقتلوا ولادنا وحرقوا قلوبنا عليهم'.
ومن جانبه قال أحمد شقيق الشهيد: 'النهاردة أقدر أقول لمحمد نام وارتاح، حقك رجع، الحمد لله تم القصاص لشهدائنا ممن ادعوا الدين وهم قتله ومجرمين، وحق 'جبر وعامر ووهدان' رجع، مهما اتأخر القصاص فلن يتأخر عدل الله فيهم، والدولة بقيادتها العادلة مش هتسيب حق ولادها اللي ضحوا بدمهم عشان بلدهم'.
يذكر أن مصلحة السجون نفذت، اليوم الإثنين، أحكام الإعدام الصادرة بحق 9 من المتهمين المحكوم عليهم بالإعدام، في قضية 'مجزرة كرداسة'، وذلك نظير الاتهامات المنسوبة إليهم باقتحام مركز الشرطة والتمثيل بجثث ضباطه وأفراده.
تابعوا آخر أهل مصر على Google News
