طالبة تصاب في قرنية العين بسبب الإهمال داخل المدرسة.. وولية أمرها تستغيث بوزير التعليم:"عايزة حق بنتي"

استغاثت ولية أمر طالبة بملحق حدائق المعادي لوزارة التربية والتعليم والتعليم الفنى، بسبب إصابة ابنتها فى قرنية العين في أول أيام العام الدراسي.

وقالت في شكواها التي نشرتها عبر موقع التواصل الاجتماعي 'فيسبوك' وصفحات المدارس التجريبية:'غلطتي إني قدمت لبنتي تجريبي عشان قولت مستوى تعليم أحسن شويه من العربي الحكومة، لكن للأسف بنتي مشفتش يوم كويس في المدرسة، اتسكنت في ملحق قولت ماشي عشان نوضب ونجيب دسكات ونوضب حمامات ماشي كل حاجه حاضر وماشي'.

وأضافت ' في أول يوم دراسة رحت وديت بنتي مدرستها وسبتها وعرفت معاد الخروج، وباباها راح ياخدها لقي عينه مقفوله ومش عارفه تفتح'.

وأوضحت: 'طول النهار عشان الميس كانت فكرها لقدر الله عميه قالتها كده اما انتي مش بتشوفي مش لابسه نضارة ليه رحت البنت ردت، قائلة 'لا ده زميلي حط صباعه في عيني'، مشيرى إلى أن مديرة شافتها والدكتورة قالوا مفهاش حاجه، وهما أصلا محولوش يكشفو هما جاب منديل مبلول حطو لبنتي علي عنيها وحتى مفكروش كاامهات يحسو ببنتي أو يتواصل مع ولي أمرها'.

وتابعت، روحت بيها لدكتوره قالت قطع في القرنية وبنتي من امبارح مفتحتش عينيها الاتنين وعلى صرخه وحده مش عارفه احاسب مين علي الإهمال ده والتعب والوجع اللي بنتي فيه وعياطها وصرخه للاسف إدارة فاشلة ومدرسة فاشلة حتى في التصرف والتعامل'.