اعلان

عملت معاه علاقة عشان عايزة شقة وعربية.. اعترافات مثيرة للمتهمة بإقامة علاقة غير شرعية مع عضو اتحاد الكرة

أهل مصر
  الاتحاد المصري لكرة القدم
الاتحاد المصري لكرة القدم

كشفت السيدة المتهمة بابتزاز مسئول سابق في إحدى الاتحادات الرياضية، بفيديوهات غير إخلاقية، أنها متزوجة عرفي من زوجها، وأنها تعرفت علي مسئول بـ اتحاد الكرة في شهر 6 من عام 2021 الماضي، مضيفة "وعدني أنه ممكن يلاقي ليا شغل، وأنا كلمته وسألته على شغل ليا وقالي إنه هيدور لي على شغل وبعدين طلب مني أقابله في مدينه نصر وفعلا روحت و قابلته في بيته واتعرف عليا ووعدني أنه يدور لي على شغل و كنت بكلمه كل فترة عشان أشوفه عمل لي إيه في موضوع الشغل وكلمته في مرة فقالي تعالي البيت".

وتابعت وقتها ماكنش في حد في البيت وبدء بالتحرش بى وقالي متخافيش مني أنا مش هسيبك، وهجيبلك بيت، وهعملك مشروع تكسبي منه وحاول معايا تاني، وأنا سبته وكنت موافقة عشان الوعود اللي كان مديهالي وبعدين محصلش حاجه تانيه بينا اليوم ده.

وأضافت: ثم قعدنا نتكلم مع بعض بعدها، وهو كان عايز يعمل علاقة معايا، وأنا مكنش عندي مانع على أساس أنه يجيبلي شقه ومشروع أصرف منه.

اتحاد كرة القدم

تصوير العلاقة في بورسعيد

واستطردت المتهمة: وفي شهر يونيو 2021 كلمني و قالي أنه مسافر بورسعيد، وهيقعد هناك يومين، مع مراته و بنته وأحفاده و أن هما هينزلوا القاهرة، و طلب مني إني أسافر له بورسعيد عشان نعمل علاقة مع بعض، و أنا وافقت، وفي خلال الفترة دي وقبل ما أسافر حصلت خناقه ما بینا، ولقيت معاملته أتغيرت معايا فأنا قررت إني لما أسافر هصور وأحنا بنعمل العلاقة مع بعض وفعلاً سافرت وحطيت التليفون قدام السرير وصورت إلي حصل بينا.

وأضافت طلبت منه تاني يوم إني ارجع القاهرة، بس موافقتش وخدني ورجعنا القاهرة، وكان زعلان مني، وبعدين والدي أتحبس خلال الفترة دي، وأنا طلبت منه فلوس و كان رافض يديني الفلوس فعرفته إني مصورة العلاقة وبعتله صور لينا، وقتها اتفق معايا انه يقابلني في بورسعيد واداني ساعة غالية ثمنها 8 آلاف جنيه، و مسحت الصور والفيديوهات قدامه.

وأضافت رجعت الصور والفيديوهات تاني، وهو فضل يطمن عليا من وقت للثاني لحد ما جيت في يوم كلمته و قلت له إني تعبانة و قالي إنه هيبعتلي ألف جنيه عشان أروح أكشف و أشوف أنا مالي وفعلاً بعتلي الفلوس وروحت عملت تحاليل لقيت نفسي حامل فخدت واحدة صاحبتي أسمها أسماء ورحنا له المنزل و مراته اللي فتحت لينا الباب.

التهديد بالفضيحة

وتابعت « قلت له على الحمل وهو كان عايز يتهرب وقتها، صوتنا علي فطلب مني أمشي وهيحاول يحل الموضوع، وبعدها لقيت محامي بيتصل بيا وقالي إن احنا عايزين نشوف حل للمشكلة دي، وشاف الفيديوهات اللي ليه معايا قال أنه هيتواصل معاه ويرد عليا وأنا قلتله إني مش طالبة غير شقة عشان أعيش فيها وهو كان واعدني بها ولما المحامي اتواصل مع خالد رد عليه وقال مش هيعرف يجيب شقة وعرض عليا 200 ألف جنية ناخد خمسين في خمسين في أول الشهر وبعد كده 100 ألف في الشهر اللي بعده وأنا خدت أول 100 ألف، وبعدين أتهربوا مني.

وكشفت «أنا كنت فاكره الحمل من مسئول اتحاد الكرة و لما روحت للدكتورة قال ليا إني في الشهر السادس فعرفت أن الحمل اللي في بطني مش منه، وأنه كان من زوجي العرفي، وفضلت أحاول اتصل بيه هو والمحامي لكنهم تهربوا مني لحد ما جاتلي فكرة إني أكلم ابنه وأقول ليه علي الحكاية اللي حصلت لكن هو اتهرب مني.

علشان كده أنا اتصلت باخوه، و هو سمع كلامي وعرف مني إني عاوزه شقة وقلت ليه اني كنت متفقة مع والدك والمحامي علي كده شقة ومشروع أعيش منه وهما ساعتها قدروا الحاجات دي بمليون وثلاثمائة ألف جنيه فهو قالي انه مش هيعرف يدبر المبلغ ده وطلب مني حل معقول وبعدها طلب مني اننا نتقابل علشان نلقي حل للمشكلة ديه وننتهي منها فأنا وافقت واتقبض عليا.

وكان الاتحاد المصري لكرة القدم قد رد على الفضيحة التي ضربت أروقته، بتورط أحد مسؤوليه في قضية زنا.

وقال مصدر في اتحاد الكرة:"وصلتنا بعض المعلومات عن الفيديو المسرب للمسؤول منذ أيام ولكن ما كان علينا التعامل مع الموقف إلا بعد تحوله إلى قضية داخل أروقة النيابة

ونقدم لكم من خلال موقع "أهل مصر"، تغطية ورصدًا مستمرًّا على مدار الـ 24 ساعة لـ  سعر الذهب، أسعار اللحوم، أسعار الدولار، أسعار اليورو، أسعار العملات اليوم ، أخبار الرياضة، أخبار مصر، أخبار الاقتصاد، أخبار المحافظات، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية. 

إقرأ أيضاً