لم تتخيل ياسمين البالغة من العمر 25 عاما أن ترى صورها على مواقع إباحية وهى بملابس النوم العارية، وتكتشف أن زوجها الذى تطلق عليه حبيب العمر هو من فعلها بها هكذا من أجل كسب الأموال عبر الإنترنت والتحدث مع رجال على أساس أنه أنثى وصاحب صورتها فى محادثات إباحيه، مما جعلها تصرخ وتستغيث بمحكمة الاسرة للانفصال عنه ورفع دعوى خلع بعد 10 شهور فقط من الزواج، مبررة ذلك باستحالة العشرة معه.
وقالت "ياسمين": مش عارفه أزاى رضي انه يعمل كدا فى مراته واللى تعتبر شرفه قدام الناس، يعنى أنا بحافظ على نفسي من أى كلمه تتقال عليا، وهو بكل جراءة حط صورى وأنا بهدوم النوم على مواقع جنسية".
وروت الزوجة قصتها لـ"أهل مصر" قائلة: مش عارفة ازاى قدر يخدعنى بالشكل دا، لما اتقدم لي كان الكل بيقول لى انتى كتير عليه معاكى شهادة جامعية وهو دبلوم زراعة وأحلى منه، لكن مفرقش معايا أى حاجة من كلامهم، وقولت طول ما هو بيحبنى هيصوننى، لكن للأسف كنت مخدوعة وقدر يوهمنى انه بيحبنى، لحد ما اتجوزنا وكنت زى الخاتم فى صباعه، وحطيت فيه كل ثقتى، لدرجة انه كان بيحب يصورنى بقمصان النوم، مكنتش بعترض واخليه يصورنى، على أساس انه عمره ما هتوصل بيه الجراءة انه يفرج صور مراته لحد، لكن هو طلع أجرأ من كدا بكتير ونزلها على مواقع الإنترنت الإباحية.
وتابعت حديثها: فجاءة لقيت اللاب توب بتاعه مفتوح ودا غير العادة لأنه ديما بيبقى مقفول برقم سري، لكن لما لقيته مفتوح وهو أخد التليفون وبيتكلم فى البلكونة، قعدت عليه وشوفت الشات عشان أعرف بيكلم مين من جانب الفضول مش أكتر، لكن اتفاجئت بصورى منشورة على مواقع إباحيه بأكونت واحدة ست ومكتوب تحتها رقم تليفون، وهو بيرد على الرجالة اللى بعتت على الأكونت المزور اللى عامله بصورى، كانت صدمة ليا، وخوفت أواجهه يضربنى أو يعمل حاجة فيا، واللى قدرت أعمله انى أبعت لنفسي اسكرين شوت من المحادثات دى.
وأكملت قائلة: أخدت الاسكرين شوت، ورجعت اللاب زى ما كمان وطلبت منه أروح بيت أهلى، ووافق أخدت دهبي معايا وروحت وحكيت لأهلى كل حاجة وشافوا الاسكرين شوت من الصور، وراحوا اتخانقوا معاه وطلبوا منه يطلقنى لكن رفض، عشان كدا صممت على الانفصال، ورفعت دعوى خلع، ومازالت الدعوى منظورة أمام القضاء.
تابعوا آخر أهل مصر على Google News
