استغاثة للديوان الملكي بسبب شاب في حالة حرجة

وجهت هبة راشد، مؤسسة جمعية «مرسال للأعمال الخيرية»، اليوم الأحد، نداء استغاثة بشأن شاب يحتاج لزراعة رئة كاملة بصورة عاجلة.

وقالت «راشد»، عبر صفحتها الرسمية عبر موقع التواصل الاجتماعي، «فيس بوك»، «حد من الأفاضل اللي أعرفهم وكان أهل خير وكرم وعمره ما قصر مع حد توفاه الله بعد مرض شديد. ودلوقتي ابنه الشاب 26 سنة في حالة حرجة ومحتاج زراعة رئة كاملة علشان يعيش».

وتابعت مؤسسة جمعية «مرسال للأعمال الخيرية»، قائلة: «أتمنى تساعدوني نلحقه، وده بحاجتين: الأول الدعاء والتضرع لله علشان ربنا ينجيه.. الحاجة التانية، زرع الرئة الكاملة مش موجود في مصر ومتاح في السعودية بمستشفى الملك فيصل وأهله يدفعوا التكلفة بس محتاجين إذن من الديوان الملكي علشان هو مش سعودي». واختتمت استغاثتها قائلة: «عارفة إني طلبي التاني صعب قوي، بس متعشمة في ربنا يكون حد من الي متابعيني يقدر يوصل طلبي».