اعلان

نهاد أبو القمصان: اللي بيلم فلوس دية قاتل نيرة أشرف نصاب.. و"الجنايات" مفهاش تصالح

أهل مصر
نيرة أشرف
نيرة أشرف

وصفت المحامية الشهيرة نهاد أبو القمصان، دعوة أحد المحامين بجمع مبلغ 5 ملايين جنيه، دية عن محمد عادل، قاتل نيرة أشرف، طالبة جامعة المنصورة، بـ"النصب"، وقالت في بوست لها علي صفحتها عبر الفيس بوك: مفيش فى القانون حاجة اسمها دية يدفعها القاتل لاهل القتيل ، دا نصب لسرقة فلوس الناس، السؤال دلوقتى ؟ مين النصاب اللى بيروج ان بعد الحكم بالاعدام او حتى قبل الحكم اهل الضحية ممكن يتنازلو وياخدوا دية ؟

واضافت أبو القمصان: "فين الشرطة والنيابة من النصب العلنى وتهديد دولة القانون ؟ والخوض فى سير الناس ؟ من امتى المحاكمات اتحولت للسيرك وكل شوية نلاقى عروض سرك على الفيس بوك واليو تيوب ؟

نهاد أبو القمصان

تابعت:" اللى بيلم فلوس ويدعى انها ديه لاهل نيرة دا سمسار ونصاب وبيعمل قرشين لنفسه على جثة القاتل محمد ليه ؟ لان قانونا، الجنايات مفهاش تصالح، ممكن فى القتل الخطأ لانها( جنح )مش الجنايات، وقتل خطأ مش عمد، فى الجنايات مستحيل لسببين:

١- حق عام : دا بتاع المجتمع وحق الناس كلها فى الامان وحق الدولة فى ضبط الامن

٢- حق خاص : دا بتاع الضحية واهلها ومن حقهم يطلبو التعويض المدنى وياخدوا اكثر من المبلغ اللى بيقولو عليه ديه كتعويض بحكم محكمة .. بلاش تصدقوا النصابين، مصر دولة قانون مفهاش حاجة اسمها دية ودى جرائم نصب ونشر اخبار واشاعات كاذبة من شأنها تكدير السلم العام، وارجو النائب العام يتدخل.

إقرأ أيضاً
عاجل
عاجل
البرازيل تُسقط كوريا برباعة «مع الرأفة» وتتأهل لملاقاة كرواتيا بـ ربع نهائي كأس العالم قطر 2022