أوضح عمرو الكاشف ، الشخص الذى اتهمته هدير شقيقة نيرة أشرف طالبة جامعة المنصورة أنه هددها بالقتل عبر مواقع التواصل الاجتماعي قائلًا: 'أنا كان هدفي أساعدها وأول واحد اكتشفت إن في واحد موجود في الفيديو كان قريب من محمد عادل وقت الجريمة و يوطي عليه وبديله حاجة ونفس مسكته للشنطة هي نفس مسكة الشخص اللى كان متواجد في العزاء واللى اتضح إنه ابن عمة نيرة '.
وأضاف في بث مباشر نشره عبر حسابه الشخصي على موقع التواصل الاجتماعي 'فيسبوك'،' شقيقة نيرة وابن عمها كلموني وقالوا لي أنت مش جهة قضاء وجالي محمود ده وقالي انه مكنش موجود .. وهما اللى اتصلوا بيا ومعايا المحادثات وكل اللى أنا قولته إن عندك طالعة بعد العيد علشان تقوليلنا مين الطرف التالت.. مش انتوا هتطلعوا تريندات وتخلوا دماغنا تشتغل وراكم'.
وتابع:' شقيقة نيرة اعترفت إنها كانت علمانية بس مش ملحدة.. ومعايا المحادثات اللي كلمتها فيها بكل أدب وهما اللى كلمونى مش أنا اللى كلمتهم'.
وجه خلال اللايف الخاص به عبر صفحته الشخصية رسالة إلى أسرة نيرة أشرف: “من الواضح إنكم مجانين تريند وشهرة.. وبقول لأهل نيرة مين الشخص اللى دفع محمد عادل لارتكاب الجريمة.. قدرت أوصل إلى إن الشخص ده هو محمود ابن عمة نيرة.. شيلت المنشورات لأنى مش جهة تحقيق”.
وفي وقت سابق، قالت هدير أشرف الغريب، شقيقة نيرة ، ضحية المنصورة، والتي قتلت على يد زميلها محمد عادل، أثناء ذهابها إلى كلية آداب جامعة المنصورة، لأداء امتحانات نهاية الفصل الدراسي الثاني، أنها تعرضت للتهديد عقب مشادة كلامية مع أحد الأشخاص على مواقع التواصل الإجتماعي ويدعى ' عمرو. ا'، وحملت رسالة تهديد صريح لها، بأنها ستواجه نفس مصير شقيقتها نيرة، و أصرت الأسرة على تحرير محضر ضد ذلك الشخص، إلا أنهم تراجعوا عقب اعتذاره الأسرة .
تابعوا آخر أهل مصر على Google News
