قررت الدائرة 27 بمحكمة عابدين تأجيل أولى جلسات محاكمة السائق المتهم بـ هتك عرض طفلة المرج، البالغة سن الـ18 عامًا من ذوي الهمم، وذلك بتهمة استدراجها إلى مسكنه الكائن بمنطقة المرج بالقاهرة، والتعدي عليها وهتك عرضها بالقوة، لجلسة 12 أبريل الحالي.
وأجرت مراسلة موقع وجريدة 'أهل مصر'، مقابلة مع والدة الطفلة التي كشفت تفاصيل الواقعة وكيف اعتدى الجاني على الفتاة الصغيرة واستدرجها داخل شقته.
وقالت والدة الفتاة: 'بنتي هي كانت نازلة تشتري حاجات اتاخرت شوية رجعت كانت شكلها غريب وفمها كان وارم، اخواتها بيقولوا ليها مالك يا الاء بيحسبوا في حد ضربها قالت ايوة أنا اضربت'.
وأضافت: 'بصيت في وشها لقيت غريب ومصفر في حاجة مش طبيعية، سألتها في الاول في حد ضربك هي انكرت خدتها الاوضة وطمنتها وقالتلي عمو اللي جنبنا هو اللي اعتدى عليا، قولت لأخواتها واخدت الاء روحت المستشفى المطرية عشان اكشف عليها.. قالولى ماينفعش لازم أروح قسم المرج'.
الاعتداء على الفتاة في الأسانسير
وأكملت: 'كشفت عند دكتورة خاصة قالتي في اعتداء باين وكان في آثار من السائق المعتدي، أخذنا الأثار دي وروحنا بيها قسم المرج وبالبصمة الوراثية اثبتنا ان السائق اعتدى على بنتي، وتم القبض على المتهم، ودا مش اول مرة يتعدى فيها على بنتي، تعدى عليها من قبل في الاسانسير، بنتي كانت خايفة جدا وقعدت معاه فترة كبيرة لغاية ما اتكلمت'.
وتابعت:'بنتي عملت عملية قلب مفتوح قبل الواقعة بـ7 شهور، وهي فاهمة اللي حصل ومش عايزة تتكلم في الموضوع ولم نتواصل مع المتهم او مع اسرته، المتهم متزوج ومعاه طفلين وزوجته حامل، احنا في حالنا ومعرفش حاجة عنه هو وزوجته'.
وكانت النيابة العامة وجهت للمتهم 'محمد محمود.س' 34 عاما، سائق، محبوس، أنه في 25 نوفمبر الماضي بدائرة قسم شرطة المرج، هتك عرض الصبية المجني عليها 'آلاء ضياء.م' بالقوة بأن استغل حداثة سنها واقتيادها إلى داخل مسكنه حاملا إياها وحصر عنها ملابسها كاشفا عن موطن عفتها واعتدى عليها جنسيا على النحو المبين بالتحقيقات.
تابعوا آخر أهل مصر على Google News
