الرئيس السيسي يطالب بعدم الحديث عن الماضي مرة أخرى

طالب الرئيس عبد الفتاح السيسي، بعدم الحديث عن الماضي مرة أخرى، قائلا:'لا نستطيع أن نتحدث في الماضي، لأنه كان ممكن يخليكوا في خراب'.

انتخابات رئاسية

وأضاف الرئيس السيسي، خلال الحوار الوطني للشباب بالإسكندرية، اليوم الأربعاء: 'إن نجاكم ربنا مرة ماتستنوش ينجيكم كل مرة، والفضل لله ولما بنقول كدا الناس بتستغرب وتقول مش انت اللى اتحركت، ولكن ربنا اللى نجاكم يا مصريين، واسمعوا كلكم يمكن كان يبقى كتير من المصريين رايحين على دول تانية، الفضل هنا لله، ربنا نجاكوا يا مصريين، هو أنا اللي جيبت الناس دي؟ اتعملت حالة وأفرزت، والدولة فكت، وعملنا انتخابات، والبرلمان جاب اللي انتوا شوفتوه، وعملتوا انتخابات رئاسية، جابت اللي انتوا شوفتوه، خراب في خراب يعني'.

وأوضح: 'ليه بتطلبوا كل حاجة كاملة، والبلد شافت اللي شافته، الاحتياطي اللي كان موجود خلص في سنة ونص، أنا مابخافش، ولو خوفت كنتوا زمانكوا كلكم في خراب ودمار، بتطلب الحد الأقصى في كل شيء ليه، هي الدولة المصرية معاها أموال؟'.

الفجوة الدولارية

وقال الرئيس عبد الفتاح السيسي: 'لازم نشتغل عشان نقلل الفجوة الدولارية، عملنا السنين الماضية كنا ننزل نجيب من الأسواق دولار، حتى نعطيه للبنك المركزي، ونزود حجم الدين علينا وحلناها، حتى لم نعد نستطيع الحل، ولم نستطع أن نفعل ذلك'.

وأضاف الرئيس السيسي: 'لا بد أن نواجه دا كلنا، وأن نقلل فاتورة استيرادنا بالدولار، ونزود التصدير بالدولار، والمستلزمات التي نأتي بها من الخارج تقل'.