الرئيس السيسي: «أنا أمين معاكم وعليكم.. ومع بعض هنعدي كل الأزمات»

قال الرئيس عبدالفتاح السيسي إن بناء الدول وإصلاحها أمر ليس باليسير، مضيفًا: «أنا كإنسان منكم أمين معاكم وأمين عليكم».

وخلال كلمته بـ المؤتمر الوطني للشباب في الإسكندرية، اليوم الأربعاء، أكد السيسي أن حجم العمل المطلوب في الدولة المصرية كبير جدًا، موضحًا: «والله العظيم حجم العمل المطلوب فيكي يا مصر عايز عمل ليل ونهار عشرات السنين بلا كلل ولا ملل».

المؤتمر الوطني للشباب في الإسكندرية

وتابع: «بفضل الله تعالى إحنا مسيطرين على الأمور، كل حاجة لها بداية ونهاية، أي أزمة بفضل الله بتعدي، الأزمات اللي عدت علينا في مصر كنت بقول معقول الأزمات دي هتخلص، وخلصت، اللي إحنا بفضل الله وبفضلكم، مع بعض هنعدي من كل الأزمات وحالنا هيبقى أحسن».

واختتم الرئيس السيسي: «أنا مش قلقان من السوشيال ميديا لأن أنا عارف إن السوشيال ميديا عبارة عن دردشة الناس مع بعضها، بس على الهواء، دلوقتي الناس بتقعد على الفيس تتكلم لكن في النهاية كل واحد فينا في مكان بيشوف اللي بيتعمل».

وشهد الرئيس عبدالفتاح السيسي، اليوم الأربعاء، فعاليات المؤتمر الوطني للشباب، المنعقد في محافظة الإسكندرية.