قال محمد عبد اللطيف، وزير التربية والتعليم والتعليم الفني، إن المدارس اليابانية "فوق فوق الممتازة"، والمدارس الثانوية في مصر نسبة 90% منها بها "سبورات ذكية" كأحدث مدرسة في العالم، وتوجد شاشة ذكية إنجليزي، وهذه أحدث مدرسة في العالم، منوهًا بأنه "لا توجد مدرسة في السويد أو فنلندا هتلاقي فيها الشاشة دي".
جاء ذلك خلال لقاء وزير التربية والتعليم والتعليم الفني، اليوم الثلاثاء، رؤساء تحرير الصحف والمواقع الإلكترونية.
وأضاف الوزير أن المدارس الثانوية 90% فيها كاميرات، وهذا مجهود سابق ما كانش موجود قبل كده، المشكلة أن الطلبة مش بتحضر، والمدارس مجهزة، هيبان مع الناس الشاشات دي الفترة الجاية.
وتابع عبد اللطيف: "ده مش معناه إن حد يروح يصور دكك في الفصل اللي فيه شاشة، ويقول لك ده الفصل اللي أحسن من اللي موجود في السويد، أنا باتكلم عن السبورة الموجودة، 90% من المدارس الدولية في مصر مافيهاش السبورة دي، الفصول مجهزة ومحتاجة رفع كفاءة ونشتغل عليها في العام الدراسي نفسه".
واستطرد الوزير: عندنا 20 ألف مدير مدرسة، قابلت 6 آلاف منهم، كنا بنقعد 3 ساعات في الاجتماع، وأوضح الرؤية في نصف ساعة، ويسألون في ساعتين ونصف الساعة.
وتساءل الوزير: "هل مديرو المدارس على أعلى مستوى؟ آه على أعلى مستوى، باقول لحضرتك وبقالي 27 سنة في المجال ده.. المعلمون المصريون على أعلى مستوى، وإن شاء الله اللي جاي زي الفل.. التعليم معلم، معايا وسائل مش معايا، التعليم معلم، المعلمين بتوعنا موهوبين ومدربين كويس جدًّا، المعلمون المصريون موهوبون في نقل المعلومة، كل اللي بنعمله نحطه في بيئة مناسبة، لما أقول له خلص المنهج في 40 ساعة ومطلوب منه ينمي مهارات ويدخل معمل..
واستكمل عبد اللطيف: "المهنة الوحيدة اللي أي حد بيشتغلها هي مهنة التعليم، محتاجين نروح مجلس النواب، ويبقى فيه حاجة اسمها شهادة مزاولة مهنة، ولازم يبقى مسجل في النقابة، يعني فيه دكتور بيشتغل مش في كلية طب، اعمل دبلوم تربوي، بس لازم عشان تشتغل في التعليم يكون معاك رخصة، عشان يجرم مَن يعمل بره التعليم، بنلاقي ناس بتشتغل بره التعليم بتبوظ على المعلم اللي موجود إنه يشتغل".
تابعوا آخر أهل مصر على Google News
