استغاثت هبة السيد من والدتها وشقيقيها بعد اعتدائهم عليها وطفلتها واقتحام الشقة التي تقطنها، بعد منتصف الليل، لإجبارها على دفع القيمة الإيجارية للمنزل الذي يمتلكه والدها.
ونشرت هبة السيد، زوجة وأم لطفلة، من الإسكندرية، مقطع فيديو عبر صفحتها الشخصية على موقع التواصل الاجتماعي 'فيس بوك' قالت فيه أنها تعيش في منزل والدها بعد أن سافر زوجها إلى إيطاليا بعد حملها في طفلتها الوحيدة.
استغاثة سيدة من أسرتها
وأضافت السيد: 'أهلي كل شوية مبهدلني، أبويا رجل كويس مبيعمليش حاجة، أمي كل شوية، جابت لي مرة أختي وواحد وواحد صاحبه كسروا عليا باب الشقة الساعة 1:30 بالليل.. وبهدلوني وضربوني انا وبنتي وعملوا لي جرح قطعي في إيدي الشمال وبهدلوا لي جسمي، روحت عملت محضر وما اخدتش حقي، معايا طفلة صغيرة اروح بها فين؟'.
ووجهت السيد استغاثتها للرئيس عبد الفتاح السيسي، قائلة: 'قل لي يا سعادة الريس الست اللي بتطلق بتتبهدل في بلدك ليه؟ قل لي، انا معملتش حاجة لكل اللي بيحصل لي ده والله العظيم، وآخر النهاردة نازلة عليا بشومة وابنها يقل لي همشيك دي شقتي'.
واختتمت الاستغاثة بقولها: 'انا عائشة في بيت أبويا مش عارفة آخذ حقي، اروح فين؟ انا مابشتغلش، انا ربة منزل، وكذا مرة اتصل بالنجدة ومحدش ينجدني..'.
وأوضحت في تعليق لها: 'انا يا جماعة ولا عاوزة اتشهر ولا أي حاجة، حرفيًا انا متبهدلة، يا ريت اللي عنده كلمة كويسة يقولها، عاوزة صوتي يوصل علشان آخد حقي وبس وشكرًا، وعاوزين تعرفوا السبب هو الفلوس، عاوزة إيجار وانا مش معايا ادفع إيجار في انا مش معايا، غير كده هي أم قاسية جدًا ولا بيهمها أي حاجة، وأبويا رجل كبير مش قادر عليها'.
حاز المنشور على تعاطف كبير من مستخدمي موقع التواصل الاجتماعي'فيس بوك'، اللذين عرضوا عليها تقديم المساعدة، وآخرين أعربوا عن أسفهم واستنكارهم لفعل الأم والأخوة، وكان من ضمنهم أحد معلمي السيدة المستغيثة، والذي قال: 'على فكرة دي كانت طالبة عندي، بنت محترمة جدًا، يا ريت الكل يقف معاها، ومن زمان الدنيا قاسية عليها'.
سيدة تستغيث من أمها في الإسكندرية
لمشاهدة الفيديو اضغط هنا
تابعوا آخر أهل مصر على Google News
