الرئيس السيسي: اللي عملتوه أكبر من الفوز.. دخلتم الفرحة لكل بيت مصري

أكد الرئيس عبد الفتاح السيسي أن الأداء الذي قدمه المنتخب الوطني في بطولة كأس العالم 2026 حظي بإشادة واسعة داخل مصر وخارجها، قائلاً: 'إحنا شوفناه مش بشهادتنا بس، بشهادة كل اللي اتفرج في العالم كله، في مصر، وفي أشقائنا في المنطقة العربية، وفي العالم كله'، مشيدًا بالقيم التي تحلى بها اللاعبون والتي عكست أصالة المصريين.

وقال الرئيس، خلال استقباله لاعبي المنتخب الوطني والجهازين الفني والإداري بمدينة العلمين، إن ما قدمه الفريق كان 'جهد أكتر من رائع، وإخلاص كبير قوي لمصر ولاسمها'، مضيفًا: 'بالنسبة لنا عظيم جدًا جدًا، رائع جدًا جدًا جدًا، ومشكور جدًا جدًا جدًا... أنتم كنتم فخر لنا، وممتن جدًا بيكم بكل اللي أنتوا عملتوه'.

وأضاف الرئيس أن كرة القدم 'ناس تكسب وناس ما تكسبش'، لكن المنتخب حقق مكسبًا أكبر من النتائج، وهو احترام الجميع، قائلاً: 'أنتوا كسبتوا كتير قوي، مش بس النجاح اللي تحقق، لكن احترام الناس، وده أتصور أكتر كتير أحيانًا من المكسب'.

السيسي: أنتوا ما تعرفوش الحالة اللي اتعملت في مصر

وأشار السيسي إلى أن المنتخب مثّل شباب مصر بصورة مشرفة، مؤكدًا أن المباريات صنعت حالة من البهجة داخل مصر وخارجها، وقال: 'أنتوا ما تعرفوش الحالة اللي اتعملت في مصر، وفي العالم كله بالنسبة لكم... دخلتوا البهجة والفرحة على كل الناس، لأن الأداء كان في ندية، وفي كفاءة، وفي جدارة، وقبل ده وفي قيم'.

السيسي يستقبل منتخب مصر

السيسي: إحنا كمصريين قادرين على إن إحنا ننتج

وشدد الرئيس على أن ما قدمه المنتخب يؤكد قدرة المصريين على تحقيق النجاح، قائلاً: 'إحنا كمصريين قادرين على إن إحنا ننتج... شعبنا شعب كبير ومحب لكرة القدم، ومش ممكن يكون معندوش محمد صلاح، لا، يكون فيه كتير محمد صلاح، وكل اللي موجودين قدامي'.

السيسي: شرفتوا مصر.. وإحنا حابين نعبر عن امتناننا واعتزازنا بيكم

وأكد الرئيس ضرورة الاهتمام باكتشاف المواهب، مضيفًا: 'كل المطلوب مننا إحنا كمعنيين باللعبة، إن إحنا نبقى كشافين متجردين نشوف الشاب اللي عنده فرصة وندي له الدعم'، مشددًا على أن الدولة مستعدة لتقديم كل الدعم للكفاءات والقدرات ومنحها الفرصة التي تستحقها.

واختتم الرئيس كلمته بالتأكيد على استمرار دعم الجهاز الفني الوطني، قائلاً: 'إحنا مش هنغير إن شاء الله... وأرجو إن إحنا نستمر، وإن يكون المسؤولين عنا هم مننا'، موجهًا رسالة للاعبين: 'شرفتوا مصر... وإحنا حابين نعبر عن امتناننا واعتزازنا بيكم، وعشان كده قدمنا لكم كأس التقدير وكأس الاحترام وكأس الافتخار... ألف حمد لله على السلامة'