'ضربتني عشان مجبتلهاش موسم عاشوراء.. وكنت بخبي على ابني اللي بتعمله فيا'، هكذا روت السيدة حنان المقيمة في محافظة الشرقية، تفاصيل واقعة ضربها من زوجة نجلها 'علي'، الذي كان مسافرًا للخارج من أجل لقمة العيش.
قالت الحاجة حنان لموقع وجريدة 'أهل مصر'، إن نجلها 'علي' بعدما سافر للخارج من أجل العمل وسد احتياجات المنزل، ترك زوجته وابنته صاحبة الـ4 أشهر معها في المنزل ولا يوجد سواها.
وأضافت الأم، ضحية زوجة ابنها، إن الزوجة ضربتها بسبب موسم 'عاشور' وتعدت عليها بالضرب وهي تجلس على سلم العمارة أمام والدتها، التي حاولت إبعاد ابنتها، متابعة: 'زوجة ابني عملت مشكلة معايا عشان مجبتش ليهم موسم عاشوراء أيام ما كانت مخطوبة من سنة ونص وهي دلوقتي بقيت زوجة ابني وعندها طفلة'.وتابعت: 'زوجة ابني مش طبيعية كل شوية مشاكل، وانا ممشية الدنيا عشان بيت ابني ميخربش، لكن بعد اللي حصل أنا خوفت منها ومأمنش أقعد معاها تاني في بيت واحد'.
وأكملت: 'إبني مركب كاميرا في البيت ومربوطة بتليفونه، وعلم بالواقعة لما شاف اللي حصل في الفيديو وشاف مراته وهي بتضربني، وبعدها كلمني عشان يسألني على اللي حصل وكان مضايق، ونزل من السفر'.
وأردفت: 'أول ما نزل قعد يعيط وخدني في حضنة ويبوس رجلي، وأنا مسامحه عشان خاطره بس أنا عايزة حقي منها'، متابعة: 'كنت بخبي على ابني اللي بتعمله فيا وأقول مع الأيام هتتعدل وابني يبعتلها كل شهر مصاريف ليها ولعلاج بنتها ومصاريف ليها، وكنت بشقى عشان مخلهاش محتاجة حاجة'.
تابعوا آخر أهل مصر على Google News
