محاكم الأسرة في أسبوع.. سمر: "حياته كلها عاهرات الواحدة بألف جنيه الليلة".. أماني: "ضبطته بيخونني في الحمام"

شهدت محاكم الأسرة العديد من قضايا الخلع والطلاق خلال هذا الأسبوع، باختلاف الأسباب والدوافع، أبطال هذه القصص أشخاص عاديون ولكن كتب لهم القدر أن تسجل أسماؤهم فى سجلات القضاء.

وترصد 'أهل مصر' أغرب القضايا التى طرأت على محكمة هذا الأسبوع.

ولاء تطلب الخلع: "كل أسرار بيتنا مع صاحبه ومش بيغير عليا منه"

مش بيغير على من صاحبه، وبيدخل فى كل أسرار حياتنا الشخصية، والغريب انه بيحكى مع مراته عادى قدامنا، وجوزها موافق وكلام مش محترم، عن العلاقة ويقولوا بيهزروا عادى، وكمان مراة صاحبه بتقعد بلبس البيت ولما كنت بقوله انت ممكن تقبل اقعد كدا قدام صاحبك، لقيته بيقول لى عادى خليك عادى دا صاحبي واحنا اخوات'..جاءت هذه الكلمات على لسان ولاء وهى داخل محكمة الأسرة لرفع دعوى خلع من زوجها بعد عام ونصف فقط من الزواج مبررة استحالة العشرة معه.

سمر تصرخ في دعوى الخلع: "حياته كلها عاهرات الواحدة بألف جنيه الليلة"

صدمتى كانت لما ربنا كشف ستره، ووقع فى إيدى تليفونه القديم وكان عليه الشات بتاعه مفتوح، ولما شغلت التليفون فتحت كل حساباته على الفيس بوك والماسنجر والواتس اب، وبقت كل حاجة قدامي لدرجة انى اتصدمت مبقتش مستوعبة هو ازاى بيعمل كدا، واتفاقاته مع أصحابه انهم يجيبوا بنات أجانب ومصريين والواحدة بألف جنيه فى الليلة وألف ونص كمان، وطول الوقت بيشتكى ويقول الظروف الظروف وهو مضيع كل فلوسه على الكباريهات وبنات الليل'.. نطقت بهذه الكلمات سمر وهى داخل محكمة الأسرة لرفع دعوى خلع من  زوجها بعد عامين من الزواج مبررة استحالة العشرة معه.

أماني تطلب الخلع: "ضبطته بيخونني في الحمام"

كان يصحى فى نص الليل، يدخل الحمام ويفضل بالساعات من غير ما احس، وكنت أفتكره أنه خرج من الحمام قعد قدام التليفزيون لأنه كان بيشغل التليفزيون، وأنا من تعبى طول النهار كنت بنام بالليل، لحد ما ربنا كشف ستره وشوفته بيخونى وبيفتح النت ويكلم بنات على الشات والفيديو'.. جاءت هذه الكلمات على لسان أماني وهي داخل محكمة الأسرة لرفع دعوى خلع من زوجها مبررة استحالة العشرة معه.

ندى ترفض العيش في بيت زوجها: "ابن أمه.. وحماتي بتنام وسطينا على السرير"

لم تتحمل ندى العيش مع زوجها أكثر من 9 شهور فقط، بسبب والدته سليطة اللسان على حد قولها وإنه 'ابن والدته'، ولا يستطيع أن يفعل شيئا دون أن تأمره، حتى مفاتيح شقتهما الزوجية كانت معها، لتدخل في أي وقت.

وقفت الزوجة داخل محكمة الأسرة تستغيث من أجل الخلع من زوجها، لتستطيع البدء فى حياة جديدة وتحسن من اختيار شريك حياتها، مبررة استحالة العشرة مع زوجها بعد أن تقبل الأمر الذي فرضته عليه والدته.