شهدت محاكم الأسرة العديد من قضايا الخلع والطلاق والنشوز باختلاف الأسباب والدوافع الحقيقة، ابطال هذه القصص أشخاص عاديون مثلنا ولكن تعرضوا لظروف جعلت أسماءهم يكتب داخل سجلات محاكم الأسرة.
ورصدت ' أهل مصر ' بعض من قضايا الخلع والطلاق والنشوز خلال الأسبوع الماضي
محمود بدعوى تطليق: "رخيصة وباعت نفسها للشباب على النت مقابل كروت شحن"
'كانت بتخدعنى وفهمتني إنها اتطلقت من جوزها الأول عشان مش بيصرف عليها وبخيل، لكن فى الحقيقة إنه هو اللى طلقها لما شاف سلوكياتها وعلاقاتها مع شاب، فضلت تمثل عليا دور البريئة وأنا صدقتها لحد ما ضربتني في ضهري، وعرفت إنها بتكلم شباب على النت مقابل كروت شحن.. 'نطق بهذه الكلمات 'محمود' داخل محكمة الأسرة لرفع دعوى تطليق ضد زوجته مبررًا استحالة استكمال العيش معها بعد أن اكتشف خيانتها وبيع عرضها من أجل المال.
جهاد تطلب الخلع: حماتي عملت لي سحر لحد ما جوزى بقي مش طايقني وبيضربني
'أنا اللى غلطانة من البداية لما وافقت عليه واتمسكت بحبي وأنا عارفه أن أمه مش موافقة عليا عشان عايزة تجوزه بنت أختها، لكن أنا كذبت على نفسي وقولت إن جوزى هيقف معايا وهيكون سندى لأنه بيجبنى وأقنعت نفسي أنى هخليها تحبنى زى بناتها، لكن فشلت وعيشتنى فى حجيم بسبب السحر والأعمال اللى بتعملها كنت بموت من التعب الجسدى والنفسي بسبب الخلافات اللى ديما فى البيت وجوزى بقى مش طايق يشوف وشي'.. جاءت هذه الكلمات على لسان جهاد وهى داخل محكمة الأسرة لرفع دعوى خلع من زوجها بعد عامين ونصف من الزواج مبررة استحالة العشرة معه.
ولاء تطلب الخلع: "حماتى وجوزى ضربوني لما شوفته بيحضن مرأت أخوه"
تجلس 'ولاء' صاحبة الـ26 عاما على إحدى مقاعد محكمة الأسرة لرفع دعوى خلع من زوجها بعد عام و 3 شهور من الزواج مبررة ذلك بقولها ' أنا مش عارفه ازاى الناس دى أهل جوزى كل حاجة عادية فى حياتهم، يعنى استغربت أوى علاقة مراه أخو زوجى بيه ، علاقة كلها ونظرات لبعضهم طول الوقت ولما اعترضت وانفجرت من الغيظ وواجهت جوزى فى وجود امه، اتفاجت انهم بيقول إنى بخرب البيوت وإنى المفروض أعيش خرساء، ولما جبت أدلة أنهم على علاقة ببعض، حماتى وجوزى ضربونى لمت كانوا هيموتنى فى ايدهم، عشان كدا سبت ليهم البيت يشبعوا بيه.
وقالت الزوجة في مستهل حديثها لـ'أهل مصر' : 'بعد ما خلصت الجامعة اتقدم لى شاب بيشتغل فى شركة قطاع خاص، ولقيت كل ظروفه مناسبة ليا، وافقت وكمان اشترطوا انى هعيش فى ببت أهلى، ووعدنى هيكون جنبي، وفى بيت أهله عايش اخوه ومراته فى الشقة وأخوه ديما مسافر، ووالدته ووالده فى شقة تانية فى نفس العمارة، لكن من أول ما اتجوزنا وأنا مش برتاح لمراة أخوه وخاصة نظراتها الغير محترمة وهو كمان برد عليها بابتسامات، غير الهدايا بينهم وهى جوزها مسافر، فيتحجج على أي حاجة عشان يتكلم معاها'.
وتابعت حديثها قائلة: 'لحد ما بقى الموضوع ملفت حدا للنظر وخاصة لما شوفت رسايل بينهم واخر الرسائل تدل على علاقة ببعض لحد ما فى مرة كان جوزى راجع من السفر اتفاجت بيها جريت حضنتنه وأنا كنت واقفة من بعيد وأول ما قربت ليهم لقيتها جريت على أوضتها، اتكلمت مع جوزى وأمه وكنت فاكرة انى حماتى هتقدر لكن طلعت معاهم وانى أنا اللى غلطت انى بفكر كدا، ولما قعدت أقول على اللى بشوفه وشك فيا ، وضربونى هو وأمه فسبت البيت وقررت ارفع دعوى خلع بمحكمة الأسرة ومازالت الدعوى منظورة أمام القضاء.
منال تطلب الخلع: حماتى ضربتنى أنا وأمى بالشبشب في وسط الشارع
'عمرى ما كنت أتخيل ان ييجي عليا أنا وأمى يوم ونبقي بالمنظر دا وحماتى بتضربنى بالشبشب على دماغنا وسط الشارع وتتهمنا انى بعمل سحر لجوزى عشان يمشي على مزاجى، وربنا يعلم انها كذابة وهى اللى نكدت عليا حياتى وعيشتى كلها من أول ما اتجوزنا عشان ابنها اتجوزنى وهى كانت عايزة تجوزه واحدة قريبتها، طيب أنا ذنبي إيه ووالدتى مريضة القلب اللى حالتها النفسية صعبة جدا بعد اللى حصل ومش قادرة تشوف حد'.. جاءت هذه الكلمات على لسان منال وهى داخل محكمة الأسرة لرفع دعوى خلع من زوجها بعد عام وشهرين فقط من الزواج .
وفاء تطلب الخلع: جوزي اتريق على خزين رمضان اللي أهلي جابوه وضربني
عمرى ما كنت أتخيل أن جوزى بالشكل دا، مادى بشكل مش طبيعي، لدرجة أنه بيستنى زيارات أهلى عشان يشوف هم جابوا ايه، ويتريق عليهم ويفضل يطلب منهم حاجات غالية لدرجة أنه طلب من والدى يشترى له عربية، فوالدى قاله سيبنى أفكر، وهو حس فعلا أن والدى مش هيجيبله، فاتلكك على خزين رمضان اللى جبوه ورجعه ليهم، ولما اتكلمت ضربنى'.. جاءت هذه الكلمات على لسان وفاء وهى داخل محكمة الأسرة لرفع دعوى خلع من زوجها بعد 11 شهرا من الزواج مبررة استحالة العشرة معه.
أحلام تطلب الخلع: مضيع فلوسه على المخدرات ورافض يصرف على أولاده
'فجاءة حياتنا اتقلبت خالص بسبب جوزي اللي صاحب شلة السوء، وأتعلم شرب المخدرات والعلاقات الحرام، بقى يضيع كل فلوسه على الستات والشرب، وبقى يسهر للصبح يرجع ينام، ولا يفكر في أكل وشرب للبيت ولا حتى مصاريف الطفلين الصغيرين، لدرجة أني طلعت اشتغل عشان ألاقي فلوس أجيب أكل للبيت وادفع الإيجار، لحد ما بقيت مبقتش قادرة أني أصرف عليه هو كمان شخصيا'.. نطقت أحلام بهذه الكلمات وهي داخل محكمة الأسرة لرفع دعوى خلع من زوجها مبررة استحالة العشرة معه.مها تطلب الخلع: 'خاننى ومارس الرذيلة مع بنت خالتي المطلقة'
وقالت الزوجة في مستهل حديثها مع ' أهل مصر': 'متجوزة من 4 سنين زواج صالونات، وكنت مرتاحة ليه من أول ما شوفته لأنه وشه بشوش ومكنش بيبخل عليا بحاجة، واتجوزنا بعد فترة خطوبة استمرت 9 شهور، وحياتنا كانت مستقرة بشكل كبير، وحتى لو في خلافات بسيطة كنا نتصالح فى نفس اليوم، عمرى ما حاولت أفتش في تليفونه أو على شات الدردشة الخاص به لأنى كانت عندى ثقة كبيرة من جوايا إنه عمره ما هيخونى، لكن ثقتى كانت مش فى محلها لأنه خدعنى وكان بيتكلم مع بنت خالتى اللى اتطلقت بعد جوازنا بـ 3 سنين، والكلام اتطور بينهم لحد ما وقعوا فى الغلط ومارسوا العلاقة الجنسية المحرمة.'
وتابعت حديثها قائلة: 'لقيت فجاءة جوزى اتغير من ناحيتى وكأنه خايف اعرف حاجة، ولما تليفونه يرن وهو جوه البيت يقفله، لدرجة انى زرع جوايا الشك، لكن بنت خالته طلعت اجرأ منه وقالت لأمها على اللى حصل ببنهم وهنا كلنا عرفنا وانا عرفت جوزى انه مالوش أمان لكن هو فضل يعتذر ليا ويقنعنى انه الشيطان اللى خلاه عمل كدا وهى مرة واحدة مش اكتر، وعشان كدا هم الاتنين حاسوا بالذنب وعايزين يتجوز وهو عايزنى اروح معاه عشان خالته عشان يكتب على العروسة لكن طبعا رفضت وطلبت منه يطلقنى ورفض فرفعت عليه دعوى خلع ومازالت الدعوى منظورة أمام القضاء'.
تابعوا آخر أهل مصر على Google News
