كهربا: أنا مش بغلط لأني مش بقول حاجة غير بإذن محمود الخطيب

عبّر محمود كهربا ، لاعب النادي الأهلي ، عن حبه للكابتن محمود الخطيب، رئيس مجلس إدارة القلعة الحمراء، كما كشف عن نصائحه له خلال الفترة الماضية.

وقال كهربا: 'كابتن محمود الخطيب هو الأب الروحي، ودايما بتعلم منه وهو اكتر حد ساندني بخبرته وغير من شخصية كهربا، وقالي لازم تبقى اهدى من كده وبيقعد معايا ويعلمني بخبرته، مبغلطش عشان اي حاجة بعملها باذن الخطيب، ومكلمنيش على حلقة رامز، وميعرفش مشكلتي مع مدحت شلبي، وبيقولى عايزك تساعد الفرقة والفرقة تساعدك مش تلبس تيشرت الاهلي وخلاص'.

كهربا: أجلت فرح أختي 4 شهور

وأضاف: 'أجلت فرح اختى 4 شهور، لأني كان نفسي اكون معاها وحددت اليوم من غير ما اعرف اننا مسافرين، و استأذنت من المدير الفني، ومفيش مشاكل بيني بين حد في الجهاز الفني، وعندنا اللاعيب لو بيلعب البدلاء بتوعه هما أكبر داعم له، وفرح اختي معملش شرخ بيني وبين كولر'.