هبة لقاضي الأسرة: "بيصرف فلوسه على العاهرات ورفض يشترى الدواء لابننا المعاق"

حالة من الحزن والضيق سيطرت على 'هبة' صاحبة الـ27 عاما، عندما علمت أن زوجها الذى رفض أن ينفق على ابنه المعاق ويشترى له العلاج، يسهر كل ليلة فى حضن العاهرات، وينفق أمواله داخل الشقق المشبوهة، دون أن يشعر بأى مسئولية اتجاه ابنه المعاق الذى لم يكمل عامه الأول، مما جعلها تقف داخل محكمة الأسرة لرفع دعوى نفقه بعد أن رفض علاج الطفل بحجة أنه سيظل معاقا طول عمره.

وروت الزوجة قصتها لـ'أهل مصر' والدموع تفيض من عينيها، موضحة أنها تزوجت منذ ٣ سنوات زواجا تقليديا من صاحب ورشة، وقالت: اتأخرت فى موضوع الإنجاب وكان نفسي أخلف، عشان الناس تبطل تسألنى، لكن شاء القدر انى أخلف طفل من ذوى الاحتياجات الخاصة، واعتبرته نعمة وفضل من ربنا، وخاصة لما الدكتور أكد أنه ممكن بالعلاج يتحسن، لكن بعد كام شهر من العلاج لقيت جوزى بيتحجج أنه مش قادر على مصاريفه، والعلاج مش هيجيب نتيجة وهيفضل كده.

وتابعت حديثها: 'مقدرتش أسيب ابنى كده حتى لو نسبة الشفاء معدومة، وحاولت معاه كتير، وبدأت الخلافات وسبت البيت ولا سأل فينا، وقدمت لعلاج ابنى فى المستشفيات الحكومية، وكل شوية أحاول معاه عشان يبعت فلوس لابنه، ويوعدنى ويخلف، لحد ما اكتشف انه كل ليلة مع واحدة فى شقة مفروشة وعايش حياته وسط العاهرات وكل فلوسه بيصرفها عليهم، عشان كده قررت أرفع دعوى نفقة وأنتظر أولى الجلسات'.