لم تكمل هند عامها الأول من الزواج، لتقف داخل محكمة الأسرة لرفع دعوى خلع من زوجها مبررة ذلك بقولها: 'بقيت أتكسف قدام الجيران كل ما أشوفهم بسبب صوته العالي، وكل حاجة يفتكر يطلبها بالليل من أكل شرب وخلافه، وأحيانا بيصمم على طلبات غريبة زي ما طلب منى أعمل محشى فى نص الليل، ولما قولتله الصبح شتمني وضربني والعمارة كلها سمعت صوته، مبقتش قادرة أعيش معاه لو يوم تانى'.
وروت الزوجة قصتها لـ'أهل مصر' موضحة أنها تزوجت منذ 11 شهر زواجا تقليديا، من شاب يكبرها بـ7 أعوام، لم تكن تعرفه قبل سابق، ولكن أوهمت نفسها أنها مجرد أن تتزوج ستحبه وتتأقلم فى العيش معه، لأن الزواج جاء سريعا، قائلة: 'للأسف ملحقتش أعرفه فى فترة الخطوبة لأنها كانت فترة قصيرة جدا، وكنت بقول ان بمجرد ما نتزوج الدنيا هتبقي كويسة، لكن لقيت صفات فى جوزى صعب أى حد يتعايش معاها، صوته عالى جدا، حتى لو هو بيتكلم عادى'.
وتابعت حديثها: كنت بحاول أغير منه، لكن معرفتش بسبب عصبيته وأنه عايش دور السي سيد عليا، لحد ما فى يوم كنت عاملة أكل ومجهزة العشاء فراخ ورز وبطاطس، اتفاجئت انه عايزنى أعمل محشى الساعة 3 ونص الفجر، ولما طلبت منه أنى أعمله بكرة اتعصب عليا وشتمنى بألفاظ قذرة، والخناقة زادت بينا وضربنى لحد ما كسر جسمى، فقررت أسيب البيت وطلبت الطلاق.
وأكملت هند: رفض يطلقني وقرر يسيبنى زى البيت الوقف، معلقة لما أرجع البيت بشروطه، عشان كدا رفعت عليه دعوى خلع ومنتظرة المحكمة تحدد أولى جلسة.
تابعوا آخر أهل مصر على Google News
