"خاني رغم أني عايشة خدامة تحت رجله".. بهذه الكلمات وصفت هدى معاناتها مع زوجها بعد 6 سنوات من الزواج، قبل أن ترفع ضده دعوى خلع، مبررة ذلك باستحالة العشرة معه.
وقالت هدى في تصريحاتها لـ"أهل مصر": "أول جوازنا كان في ثقة بيننا، وكانت الحياة في بداية الجواز كويسة ومستقرة لحد كبير، وأنا من كتر حبي فيه كنت زي الخاتم في أصبعه، انفذ كل اللي يطلبه، أي حاجة يؤمر بيها أعملها، لدرجة أني كنت بحلف بأخلاقه قدام أي حد، لكن في النهاية خذلني، لما ربنا أراد يكشف ستره، بعد 6 سنوات جواز، أشوف الرسايل صدفة بينه وبين زميلته إباحية لهما لدرجة أنهما يمارسان العلاقة على الشات بأبشع الطرق".
وتابعت حديثها قائلة: "شوفت الرسايل وواجهته كنت فاكرة أنه هيحس بغلطته، لكن للأسف من كتر الذنوب ضميره مات وشايف أنه شيء عادي، وأن كل الشباب بتعمل كده، لدرجة أنه مفكرش يعتذر لي، عشان كده صممت على الطلاق ورفض عشان فرفعت دعوى خلع بمحكمة الأسرة وانتظر أولى الجلسات".
تابعوا آخر أهل مصر على Google News
