' من أول ما اتجوزنا وهو ماشي بمبدأ الحيوانات فى العلاقة الزوجية، عمرى ما حسيت بفرحة أى بنت ولا جواز كان نفسي يحسسنى بأنوثتى، لكن هو حتى مبيكلفش نفسه بحضن، كنت أقوله 'ولا تأتوا نساءكم كالبهائم'، كان يتعصب عليا ويفتكرنى بشتمه ويزعق لدرجة أنها ممكن توصل للضرب، وكمان مش بس كدا دا بيشرب، لحد ما بقيت مش بطيق نفسه فى البيت، وأنا أخاف أن لا أقيم حدود الله'.. كلمات موجعة عبرت عنها صفاء وهى داخل محكمة الأسرة لرفع دعوى خلع من زوجها بعد سنتين من الزواج مبررة استحالة العشرة معه.
وروت الزوجة قصتها لـ'أهل مصر' قائلة': من أول يوم اتجوزنا فيه وهو اغتصبنى حتى مقدرش خوفى من الموضوع، كان بيعاملنى بشكل وحش جدا، على الرغم أنى باقي اليوم عادى ويتكلم معايا شخص طبيعى، لكن فى العلاقة مافيش أى حاجة غير إجبار لدرجة أنى سنتين جواز مروا مفكرش يحضنى ولا يحسسنى أنى ست كاملة، كنت بحس بالحسرة لما أتكلم مع صاحباتى وأشوفهم كلهم مبسوطين وأنا تعيسة، كنت فى الأول بحس بالحرج جدا أنى أحكى لحد حتى لو أمى، لحد ما بقيت مش قادرة أكمل بالوضع دة، وبقيت أخد حبوب منع حمل من وراه عشان مش عايزة أكمل.
وتابعت: فى يوم اتكلمت مع أختى الكبيرة اللى فعلا حست بي، وقدرت حجم المعاناة اللى بعيشها معاه، كمان أنه بيشرب وكل فلوسه بيضعيها على الشرب ومزاجه، واتكلمت مع أهلى وفتحوا الموضوع مع جوزى وطلبوا منه يتغير لكن هو بدل ما يتغير عاقبنى ازاى أقول حاجة زى كدا وأنى ست مش محترمة وخاض فى شرفي عشان كدا قررت أرفع دعوى خلع ومنتظرة أول جلسة.
تابعوا آخر أهل مصر على Google News
