"من أول ما كتب كتابنا وهو كل شوية يلح على ممارسة العلاقة معايا بحجة أنه مش قادر ينتظر والجواز لسه قدامه 5 شهور عشان التجهيزات واني مراته ومن حقه لكن أنا اعترضت طبعا لإن أخلاقي وتربيتي متسمحش بكدا وأصريت أننا مش هنمارس حياتنا غير في شقتنا، وأخلي أهلي متشرفين بيا في كل مكان، لكن هو حب يبتزني ويحسسني إني هضيعه من ايدي جاب عاهرة في شقة جوازنا واتصور معاها صور إباحية وبعتها ليا، عشان أغير رأيي، أنا صحيح غيرت رأيي لكن فيه هو وقررت أني مش هكمل معاه حياتي.. "جاءت هذه الكلمات على لسان اسماء وهي داخل محكمة الأسرة لرفع دعوى خلع من زوجها مبررة استحالة استكمال الحياة الزوجية معه.
وروت الزوجة قصتها لـ "أهل مصر" قائلة: كان عندى 20 سنة لما اتقدم ليا، وأنا الحمدلله على قدر عالي من الجمال وكنت مترددة في البداية منه، لكن لما قعد معايا أقنعني إن أوافق وفعلا كنت مبسوطة واحنا بنحتفل في جو عائلي بسيط بالخطوبة، وطبعا كأي اتنين مخطوبين كنا بنتكلم في التليفون وفجاءة لقيته بيتكلم كلام جرئ عن العلاقة، ولما متجاوبش معاه يزعل، فقررت أفاتحه يكتب كتابنا عشان نأخد حريتنا ومحسش أننا بنتكلم في حاجة حرام، وفعلا وافق على كتب الكتاب على طول وكنت فاكرة أنه بيحبني، لكن أكتشفت أنه فرحان لأنه حس أنه ممكن يمارس العلاقة معايا قبل زواجنا رسمي في شقتنا، ودا الشئ اللي اكتشفته بعد كتب الكتاب بقى يقول صراحة "أنا عايزك ومحتاجك ومش هقدر أستنى للفرح" كلامه خوفني لكن كنت بقف ليه بالمرصاد وارفض بشكل قاطع وأقوله "لما نعمل دخلة في وسط أهلنا أبقى مراتك رسمي".
وتابعت حديثها قائلة: "كنت بوقفه عن حده على أمل أنه يتعلق بيا أكتر وكمان أنا استحالة أنزل كرامة أهلي وشرفهم الأرض، لكن هو فهم غلط وفكر يحسسني أنه هيروح مني، عشان كدا جاب عاهرة في الشقة اللي هنجوز فيها ومارس معاها العلاقة واتصور وبعت ليا بعض الصور بيقول لي فيها "شوفي خليتني ضعفت وروحت بصيت بره لأول مرة في حياتي عشان انتي مراتي منعتني من حقوقي الشرعية"، والغريب أنه بيتكلم بالشرع والدين وبيجملهم على هواه، لكن أنا لما شوفت الصور وريتهم لأهلي وأصروا على طلب الطلاق منه، وهو رفض عشان كدا رفعت دعوى خلع بمحكمة الأسرة ومازالت الدعوى منظورة أمام القضاء.
تابعوا آخر أهل مصر على Google News
