محمد بدعوى إسقاط حضانة: "هربت مع عشيقها وعايشة معه فى الحرام"

"مش كفاية عليها إنى مرفعتش عليها دعوى زنا بالمحكمة عشان صورتها قدام ابننا والخوف إنى حد يعايره بيها لما يكبر بسبب إنها كانت على ذمتى واستغلت فترة سفرى عشان الشغل وهربت مع عشيقها واخدت ابنى معاها، وللأسف مش عارف ليهم مكان محدد، وهى متفرقش معايا لأنى هطلقها أول ما اخد ابنى، أنا أهم حاجة عايز ابنى وميترباش معاها هي وعشيقها".. نطق "محمد" بهذه الكلمات وهو داخل محكمة الأسرة لرفع دعوى إسقاط حضانة عن ابنه.

وقال الزوج في مستهل حديثه مع "أهل مصر": "اتجوزت من ٤ سنين جواز بعد علاقة عاطفية بيننا استمرت شهور قليلة لأنى قررت اتجوزها عشان نبنى أسرة ونستقر وعمرى ما كنت اشك فيها لحظة واحدة، لأنى شكلها فعلا وأسلوبها يدل أنها إنسانه على أخلاق، واتجوزنا وبقينا فترة قليلة مستقريين وكويسين جدا، لحد فجاءة بعد ما خلفنا ابننا بفترة بدات تتغير فى المعاملة وصوتها يعلى حتى اهتمامها بيا تكاد تكون انعدمت على الرغم انى قربت منها وقولتلها ايه مضايقك معايا كانت ديما تقول " مافيش أي حاجة "، وأنا افتكرت إنها عايز فلوس بزيادة قررت اشتغل في المحافظة.

وأكمل حديثه قائلا: "كنت اللى ما اقدر احول اسعدها، لحد ما فى مرة كنت فى شغلى ورجعت البيت ملقتهاش هى ولا ابنى، وقلقت وبعد ما بلغت فى القسم وشوفنا الكاميرات وهى ماشية مع واحد وكمان واخده هدومها ورفضت ارفع دعوى زنا عشان خاطر ابني رفعت عليها دعوى اسقاط حضانة ومازالت الدعوى منظورة أمام القضاء".