لم تتخيل سحر البالغة من العمر21 عاما، أن تتعرض لمثل هذا الموقف في أول يوم في حياتها الزوجية، اليوم الذي تحلم به كل فتاه لترى لهفة الزوج عليها، ولكن اختلف الوضع هنا مع الزوجة سحر لترى زوجها وهو يرفض أن يطلع معها إلى شقة الزوجية بعد انتهاء الفرح، لتقنعنه والدته وأهله أن يمارس حياته الطبيعية معاها، وأن ما حدث ما هو إلا نظرة وحسد كما فسره الأهالي، وأنها أصبحت زوجته قولا وفعلا، حتى فجاءة ترك البلد وذهب إلى عمله فى الكويت من عام ونصف ولم يهاتفها حتى الآن مما جعلها تقف داخل محكمة الأسرة لرفع دعوى خلع من زوجها بعد عام ونصف من الزواج مبررة استحالة العشرة معه.
وروت الزوجة قصتها لـ"أهل مصر" قائلة: " كان عندي 19 سنة لما اتقدم ليا، ووالدى وافق إنى أعيش في بيت أهله عشان هو هيسافر بعد الجواز لأنه بيشتغل فى دولة عربية، وللأسف مكنتش أعرف أنى مش اختياره، وإن هو وافق عليا عشان خاطر والدته، غير يوم الفرح لما خلص الفرح، ورفض يقعد معايا في الشقة ونزل عند أمه.
وأضافت "سحر"، "لما سألت حماتي ماله قالت لي إنه حسد وعين صابته وبتحصل كتير مع العرسان، وأنا صدقت عشان عايزة أعيش، وقضينا أول أسبوع مع بعض وبقيت مراته قولا وفعلا، لكن كنت بحس إنه مش معايا أو بيتخيل واحده تانية معاه.
وتابعت حديثها قائلة: "اتفاجت إنه قرر يسافر شغله بعد أسبوع واحد بس بحجة إنى الشغل محتاجة، وفعلا سافر لكن من الوقت دا لحد سنة ونص دلوقتى مرفعش عليا سماعة التليفون، وأنا شغاله خدامة للبيت كله، وعرفت أنه اتجوز هناك واحدة مصرية كان على علاقة بيها عشان كدا قررت ارفع عليه دعوى خلع ومازالت الدعوى منظورة أمام القضاء".
تابعوا آخر أهل مصر على Google News
