لم تتخيل آمال أن أحلامها ستنهار بأكملها بعد الزواج، وبدلا من أن تعيش حياة مستقرة تجد نفسها داخل مستنقع من الجحيم بسبب تصرفات زوجها، التى اكتشفت بعد الزواج أنه مدمن مخدرة، وله علاقات نسائية مع عاهرات، ويريد أن يأخذ راتبها بالكامل من عملها، لترفض وتقوم باستخدام مرتبها في مصروفات المنزل فقط مما يجعله يقوم بطردها عارية من المنزل، ليقوم الجيران بتغطيتها وإيصالها إلى منزل أهلها، مما جعلها تنفر من العيش معه لتقف داخل محكمة الأسرة لرفع دعوى خلع من زوجها بعد عام واحد فقط من الزواج مبررة استحالة العشرة معه.
وقالت الزوجة في مستهل حديثها لـ"أهل مصر": " بشتغل في مصنع من قبل ما اتجوز ومرتبي كان كويس، لكن تاخرت في سن الجواز، عشان كدا لما اتقدم لى هو وافقت عليه عشان نفسي اتجوز وأخلف واستقر زى باقي البنات على الرغم إنه من مرتبه كان بسيط ومش هيكفي لكن قررت إنى أشارك بمرتبي معاه، وساعدته فعلا فى الجواز بفلوس كنت شايلها للزمن، لكن للاسف اكتشفت حقيقته بعد الجواز إنه بيشرب ومقضيها ستات فى الحرام، وكنت أنا اللى بصرف على كل طلبات البيت، وفي الأخر مش عاجبه وعايز ياخد المرتب كله هو عشان يصرفه على المخدرات والشقق المفروشة.
وتابعت حديثها قائلة: "كنت بتحمل عشان خايفة أقول لأهلي واتطلق بعد شهور من الجواز، واستحملت لحد ما بقى يبجح ويطلب المرتب كله، فرفضت شتمنى بابشع الألفاظ وفضل يضرب فيا لحد ما الجيران اتلمت وفتح باب الشقة وأنا لابسه هدومى الداخلية فقط وطردنء على سلم العمارة وقفل الباب والناس كانت مستغربة جدا، وجابوا ليا لابس اتغطيت بيه ووصلونى لحد بيت أهلى، وحكيت لأهلى على كل حاجة وطلبوا منه يطلقنى لكن هو رفض وطلب فلوس مقابل الطلاق عشان كدا رفعت دعوى خلع ومازالت الدعوى منظورة أمام القضاء".
تابعوا آخر أهل مصر على Google News
