نسمة تطلب الخلع: "مدمن أفلام إباحية وبيقول لي صعب اتخلى عن حد فيكم"

"جوزى فيه كل الصفات الطيبة فى التعامل معايا ومش بيبخل عليا بأى شيء اين كان، وبيحترمنى قدام أهله وكأنى ملكة لكن للأسف فيه عادة سيئة جدا ‘نه مدمن أفلام إباحية، واتكلمت معاه كتير جدا عشان يبعد عن السكة كان بيوعد ويخلف، لحد ما في النهاية بعد ٣ سنين جواز خيرته بينى وبينها، قالى مش قادر 'د" نطقت بهذه الكلمات نسمة وهى داخل محكمة الأسرة لرفع دعوى خلع من زوجها بعد ٣ أعوام من الزواج مبررة استحالة العشرة معه.

وروت الزوجة قصتها لـ"أهل مصر" : متجوزة من ٣ سنين جواز صالونات، وكنت مرتاحة جدا لتصرفاته وشكله، وعشان كدا فترة الخطوبة استمرت شهرين وبعدها اتجوزنا، وكنت مبسوطة جدا لأنه حنين عليا وبيعمل كل حاجة ترضينى إلا حاجة واحدة فقط، أنه يبطل يتفرج على مواقع افلام إباحية، وكان بيوعدنى انه هيبطل لكن كام ساعة ويرجع تانى لدرجة انه احيانا كان يدخل وهو فى الحمام عشان مشفوفش، وبقالنا ٣ سنين فى العذاب دى، وأنا بحاول معاه بكل الطرق.

وتابعت حديثها قائلة: "كنت بجدد من نفسي فى كل حاجة عشان أقدر ابعده عن السكة دى لكن للآسف مافيش أي فايدة لحد ما خيرته بينى وبين الأفلام الإباحية، قال لى "مقدرش استغنى عن حد فيكم"، لكن أنا جبت أخرى وطفح بي الكيل وقررت ابعد عنه عشان خاطر ابنى ويبقي سوي، وبعد ما رفض أنه يطلقنى رفعت دعوى خلع ومازالت الدعوى منظورة أمام القضاء.