"طول الوقت كنت أنصحه وأقوله ابعد عن طريق الحرام أخرته وحشة، وكان يرد عليه: ربنا يهديني، ويكذب بإنه بطل علاقاته مع الستات، لحد ما ربنا عاقبه وابتلاه بمرض الإيدز، لكن للأسف زي ما هو وأنا بصراحة خوفت على نفسي".. هكذا روت "زينب" من داخل محكمة الأسرة لرفع دعوى خلع من زوجها بعد 7 سنوات من الزواج مبررة استحالة العشرة معه.
وقالت الزوجة لـ"أهل مصر": "اتجوزت من 7 أعوام، جواز صالونات من موظف إداري وكان كويس معايا ومش بيبخل عليا بحاجة، لكن كانت فيه أسوء عادة في أي راجل أنه يدخل في علاقات مع ستات في الحرام، واكتشفت أنه كده بعد سنة واحدة من الجواز، وكنت حامل في ابني".
وأضافت: "اكتشف أنه لسة بيخوني عن طريق الشات أو حد شافه مع واحدة في ملهى ليلي، واستمر الحال على كده كل شوية أغضب ويعتذر وأرجع، وفكرت فعليا في موضوع الطلاق لكن أرجع وأفكر في ابني، كنت بعمل المستحيل وأغير من كل حاجة في نفسي عشان أخليه ميبصش برة، لكن مافيش فايدة لحد ما في يوم كنت بنضف الشقة ووقعت في أيدي تحاليل له واستغربت أنه إزاي يعمل تحاليل وميقولش عليها حاجة وكانت بتاريخ جديد".
تابعوا آخر أهل مصر على Google News
