تقدم أحمد بدعوى قضائية أمام محكمة الأسرة لتطليق زوجته بعد 4 سنوات من الزواج؛ مبررا ذلك بقوله: "خدعتنى منها لله وخلتنى أفقد الثقة في كل الستات بسببها، كانت عامله نفسها أخلاق وتربية وهى ولا حاجة وأنا كنت بتعب واشتغل عشان اوفر لها حياة كريمة واساعدها تعمل العملية عشان تخلف وتشوف طفل وهى خدعتنى بمنتهى البساطة وعرفت شاب واتكلمت معاه لدرجة انها كلمته فى الجنس وشوفت الشات بعنيا".
وقال الزوج فى مستهل حديثه مع "أهل مصر": "أنا متجوز من 4 سنين وكنت بحب مراتي جدا، لأنه جواز بعد علاقة عاطفية استمرت خمس شهور وكنت بتمنى لها كل خير وأنها تملى عليا حياتى، واتجوزنا والحمد لله كنت كانت حياتنا مستقرة؛ لكن هى كان عندها مشاكل فى موضوع الحمل ومحتاجة عملية واضطريت انزل اشتغل بعض الظهر عشان أعمل لها العملية، ورفضت اسمع لاى حد يقول لى أتجوز عليها، ومكنتش عايز حاجة غير تصون المعروف وتبقى ست بيت مخلصة لجوزها زي ما هي بتمثل قدام الناس لكن للاسف هي مش كده انا اكتشفت انها على علاقه بشاب بتكلمه على التليفون".
وتابع: "اكتشفت دا لما كانت سايبة الموبيل قدام التليفزيون وجات لها رسالة لقيتها طلعت تجرى على التليفون وقبل ما توصله ووصلت أنا ولقيتها مغيرة الرقم السري، وخلتها دخلته وانا واقف وهي بتموت من الرعب لحد ما فتحت الشات ولقيت محادثة بينها وبين شاب وكلها كلام إباحى وجنسي كنت هتجنن ازاى تعمل كدا وتخونى وجريت من الشقة على بيت أبوها فى الشارع اللى جنبنا، ورفضت اروح اخدت صورة من الشات ورفعت عليها دعوى تطليق ومازالت الدعوى منظورة أمام القضاء.
تابعوا آخر أهل مصر على Google News
