منة تطلب الخلع: "طعني في شرفي عشان رفضت أصرف فلوسي علي مزاجه"

"عمرى ما كنت اتخيل أنه توصل بيه الجراءة وعدم الأخلاق إنه يتهمنى في شرفي مع أهله وأصحابه على القهوة، وأنه ناوى يقتلنى عشان كل دا رفضت أنه يأخد مرتبي وتعبي ويصرفه على نفسه ويشرب به مخدرات حتى اللقمة اللي بناكلها مش بيجيبها بيعتمد عليا أو على أمه أو أهلى، منه لله عارف إننا معانا بنت وسمعتى من سمعتها ".. جاءت هذه الكلمات على لسان منة وهى داخل محكمة الأسرة لرفع دعوى خلع من زوجها بعد 5 سنوات من الزواج مبررة استحالة العشرة معه.

وقالت الزوجة في مستهل حديثها لـ"أهل مصر": "اتجوزت من 5 سنين جواز صالونات، ومكنتش أعرف إنه ليه في الشرب والمخدرات غير لما اتجوزت وفى الأول كان بيشرب كل فترة وفترة وكنت بقول مش مشكلة ربنا يهديه ومرتبه كان بيصرفه على نفسه واحيانا يدينى جزء بسيط جدا منه، لحد ما اتعرف على أصدقاء السوء وبقي مدمن بالفعل، وكنت أنا خلفت منه بنت وخوفت اطلق عشانها وكنت ممشيه الدنيا بمرتبي بس عشان أصرف على البيت وطلبات بنتى، لكن اتفأجت به بيطلب فلوس من مرتبي عشان يصرف منها على مزاجه.

وتابعت حديثها قائلة: رفضت طبعا ازاى ياخد فلوسي وتعبي طول الشهر عشان يصرفها على مزاجه والمخدرات ومش سال فى بنته هجيب طلباتها منين لحد ما بدأ يبيع فى عفش البيت، واتخانقت معاه وهددته انى هخلعه اتفاجئت أنه بيحكي لأهله عنى حاجات مش كويسة وطعنى فى شرفي، عشان كدا قررت اتخلع منه ورفعت دعوى الخلع ومازالت الدعوى منظورة أمام القضاء".