"كنت بزور جارتى المطلقة واللى بعتبرها زى أختى وكل أسرار بيتى بحكيها معاها، وعمرى ما توقعت أنها ممكن تخونى هى وأقرب حد ليا جوزى اللى كان بيمثل عليا وبيعمل نفسه مش حابب أنها تدخل فى حياتنا، وأثناء زيارتى ليها قررت أن أوضب ليها الشقة لانها كانت تعبانة وهى رفضت لكن أنا صممت، واتفاجأت بقميص جوزى فى سبت الغسيل اللى مش نضيف، وطلعته و تأكدت أنه هو واللى سألته عليه قال أن واحد صاحبه أخده منه، لقيت نفسي بخرج من الاوضة ومسكت القميص رميته فى وشها ونزلت أجرى على بيت أهلى" نطقت بهذه الكلمات نهى وهى داخل محكمة الأسرة لرفع دعوى خلع من زوجها مبررة استحالة العشرة معه.
وقالت الزوجة فى مستهل حديثها مع " أهل مصر" : انا أتجوزت من 5 سنين جواز صالونات واتحول الموضوع معايا لحب وعشق ليه، وكانت حياتنا مستقرة الى حد كبير، ومافيش أى خلافات بيننا على الرغم أنى أهله كانوا بيحاولوا يوقعوا بيننا لكن كنا عارفين كدا ، وكنت فرحانه أنه هو دماغه كبيرة، وعمرى ما فكرت أنه ممكن يخونى أو أفقد الثقة فيه، وأنا كان ليا جارتى مطلقة وساكنة معايا فى العمارة وكنت بحبها جدا وبعتبرها أختى، وعلى الرغم من أعتراض جوزى أنى أدخلها فى حياتنا، لكن مكنتش بقدر أبعد عنها لدرجة أنى لو بعمل الأكل ببعت ليها وهى معاها طفلة بعتبرها زى أولادى وكان نفسي أفرح بيها وبجيب لها عرسان.
وتابعت حديثها قائلة : لكن كانت بترفض ومستنية المناسب وكنت غبية ومش عارفه أنها عينها على جوزى، واللى اصلا أكتشفت أنهم متجوزين عرفي من ورايا، لما أكتشفت قميصه عندها سبت البيت ليه وطلبته من الشغل يجى على بيت أهلى وهى كانت بلغته باللى حصل، جه فضل يعتذر وأتهمنى انى السبب فى قربه ليها، وانهم متجوزين عرفى وطلب منى أن أسامحه وهو هيطلقها وننقل من الشقة لكن مش قادرة صدمتى فيه كانت كبيرة جدا عشان كدا رفعت دعوى خلع لما رفض يطلقنى ومنتظرة أولى الجلسات لنظر الدعوى .
تابعوا آخر أهل مصر على Google News
