تجلس مها على إحدى مقاعد محكمة الأسرة ترتدى بنطالا من الجينز الأسود يعلوه بلوزه من اللون الأزرق وحجاب يغطى شعرها بأكمله، يظهر على وجهها الحزن الشديد، والدموع تتجمع فى مقلتيها تنظر يمينا تارة ويسارا تارة أخرى، تنتظر دورها فى الدخول إلى قاضي الأسرة لنظر دعوى الخلع التى أقامتها ضد زوجها بعد محكمة الاسرة لرفع دعوى خلع من زوجها بعد 4 أعوام من الزواج مبررة ذلك بقولها " عمرى ما تخيلت انه توصل به انه يبص لبنت خالته لدرجة انه يقيم معاها علاقة جنسية، ولما اهلها يعرفوا يضطر انه يتجوزها وعايزنى اروح معاه كمان منه لله على اللى عمله معايا ."
وقالت الزوجة في مستهل حديثها مع " أهل مصر": "متجوزة من 4 سنين زواج صالونات، وكنت مرتاحة ليه من أول ما شوفته لأنه وشه بشوش ومكنش بيبخل عليا بحاجة، واتجوزنا بعد فترة خطوبة استمرت 9 شهور، وحياتنا كانت مستقرة بشكل كبير، وحتى لو في خلافات بسيطة كنا نتصالح فى نفس اليوم، عمرى ما حاولت أفتش في تليفونه أو على شات الدردشة الخاص به لأنى كانت عندى ثقة كبيرة من جوايا إنه عمره ما هيخونى، لكن ثقتى كانت مش فى محلها لأنه خدعنى وكان بيتكلم مع بنت خالتى اللى اتطلقت بعد جوازنا بـ 3 سنين، والكلام اتطور بينهم لحد ما وقعوا فى الغلط ومارسوا العلاقة الجنسية المحرمة."
وتابعت حديثها قائلة: "لقيت فجاءة جوزى اتغير من ناحيتى وكأنه خايف اعرف حاجة، ولما تليفونه يرن وهو جوه البيت يقفله، لدرجة انى زرع جوايا الشك، لكن بنت خالته طلعت اجرأ منه وقالت لأمها على اللى حصل ببنهم وهنا كلنا عرفنا وانا عرفت جوزى انه مالوش أمان لكن هو فضل يعتذر ليا ويقنعنى انه الشيطان اللى خلاه عمل كدا وهى مرة واحدة مش اكتر، وعشان كدا هم الاتنين حاسوا بالذنب وعايزين يتجوز وهو عايزنى اروح معاه عشان خالته عشان يكتب على العروسة لكن طبعا رفضت وطلبت منه يطلقنى ورفض فرفعت عليه دعوى خلع ومازالت الدعوى منظورة أمام القضاء".
تابعوا آخر أهل مصر على Google News
