راندا فى دعوى خلع: "طلع مدمن مخدرات.. وطردنى من الشقة"

تقدمت "راندا" بدعوى قضائية أمام محكمة الأسرة لرفع دعوى خلع من زوجها بعد عام من زواجهما مبررة بقولها.. "من أول ما اتجوزت واكتشفت إنه بيشرب مخدرات لدرجه إن عقله طار خالص ولما أجي أطلب منه فلوس عشان نشتري أكل وشرب يفضل يتخانق ويقول مش معي ويجبرني إنى احط كل مرتبي في طلبات البيت، وبرضوا مش عاجبه لحد ما آخر خناقة بيننا راح طردنى من البيت".

وروت الزوجة قصتها لـ"أهل مصر"، اتجوزت من سنة جواز صالونات ومكنتش أعرف إنه مدمن مخدرات غير لما اتجوزنا واكتشفت إنه بيضيع كل فلوسه على الشرب والمخدرات، واضطريت استحمل معاه واقف جنبه، وخاصة إنى نزلت شغل وقولت اساعده ، لكن هو بقي عايز يخلينى ادفع ليه فلوس ثمن مزاجه وكنت فى الأول بخاف منه يضربنى أويغلط فيا فكنت بديله فلوس.

وتابعت: "بقي عايز ينام فى البيت وأنا اللى أصرف عليه لحد ما بقي يفرضه عليا وبقيت ملزمة اشتغل عشان اكسر الشر بيننا، لحد ما طفح بي الكيل" ورفعت عليه دعوى خلغ ومازالت الدعوى منظورة امام القضلس