خلاف دار بين زوج وزوجة داخل شقتهما أحدث بينهما انفصال وجعل أسماءهم تكتب داخل سجلات القضاء، حيث تطور الخلاف بين "علي" اسم مستعار وزوجته إلى مشاجرة بينهما مما جعل زوجته تتجرأ عليه وترفع صوتها وتقوم بخبطه بالعصا، مما جعل زوجها يقف داخل محكمة الأسرة لرفع دعوى تطليق بعد عام وشهر من الزواج فقط مبررا ذلك بقوله: "أنا عمري ما حاولت أمد إيدي عليها دايما مهما عصبتني أخري بيكون ازعق لكن هي وصلت أنها تخبطني بعصاية المقشة وتمسك فيا يبقى استحالة تقعد على ذمتي".
وقال الزوج في مستهل حديثه مع أهل مصر: أنا متجوز من سنة وشهر من بنت كنت تعرفت عليها في فرح قريب علينا وشدني جمالها، لدرجة أني مفكرتش حتى اسأل عليها واتقدمت على طول عشان اتجوزها، ولما اتقدمت هي وأهلها وافقوا لأنها أقل مني في المستوى المادي والاجتماعي، وعلى الرغم من كدا مش حسستها بأي حاجة واتجوزنا لكن من أول شهر وأنا حاسس أنها مختلفة عني في الطباع والصوت العالي في المعاملة معايا، وحسيتها أنها عايزة تسيطر عليا بأي شكل من الأشكال زي والدتها ما بتعمل مع والدها.
وتابع حديثه قائلا، وكنت بتحمل وأقول مصيرها تكبر وتعقل وتعرف أنها ست بيت ولازم تعقل وتعرف الست ست والراجل راجل، لكن مافيش فايدة طول الوقت عايش أكلمها بالهدوء عشان متجرحش من غير أذني، أو طول اليوم عند أمها غير كرهها الشديد لأهلي، وفي يوم كانت خناقة كبيرة بيني وبينها على غلطها في والدتي وعلى الرغم من كدا محاولتش أمد ايدي عليها لكن اتفاجئت بيه بتمسكنا من هجومي في بعدها عني راحت وقعت قامت جابت عصاية المقشة وضربتني بيه، وراحت عند بيت أهلها وقلت لها أننا ننفصل لقيتها طالبة القايمة والعفش والذهب والمؤخر على الرغم أني أنا اللي فرشت الشقة هي جابت شوية حاجات بسيطة، ولما لقيتها بتهددني رفعت عليها دعوى تطليق ومازالت الدعوى منظورة أمام القضاء.
تابعوا آخر أهل مصر على Google News
