أماني تطلب الخلع: حياته كلها ستات

"من أول ما اتجوزنا ميعرفش حاجة اسمها خروج وفسح، طول الوقت أفضل أتحايل عليه عشان نخرج من بعض نتمشى ويرفض، ده غير مشاكله طول اليوم معايا بسبب عصبيته لدرجة أنه خلي حياته نكد في نكد وبقيت أحس أني في جحيم وكمان بيعرف ستات عليا"، نطقت بهذه الكلمات "أماني" وهي داخل محكمة الأسرة لرفع دعوى خلع من زوجها بعد سنة وشهرين من الزواج مبررة استحالة العشرة معه.

وقالت أماني في مستهل حديثها مع "أهل مصر": "أتجوزت من سنة وشهرين جواز صالونات، وكنت قبل الجواز بحلم أعيش حياة مرفهة ورومانسية مع جوزي لأني كنت مانعة نفسي أعمل أي علاقة مع شاب عشان أتمتع وأعيش في الحلال، ولما أتقدم ليا جوزي فهمته أني نفسي أعيش حياتي وهو وافق على كده، لكن كل كلامه اتبخر بعد الجواز ولقيت نفسي عايشة مع إنسان بارد المشاعر وعصبي جدا، بيكره الفسح والخروج معايا بس لكن يخرج مع أصحابه عادى ويقضي طول الليل معاهم".

وتابعت حديثها قائلة: "كنت مستحملة كل ده وأقول مش مشكلة أكيد لما نخلف ربنا يهديه عليا، لكن صدمتي من كام يوم كنت بلعب في تليفونه وهو نايم وفتحت النت ورسائل الماسنجر، تفأجت أنه بيكلم مع بنات على النت وبيفتح مجال للتعارف والكلام معاهم، وأحيانا بيوصل لكلام إباحي، ومقدرتش انتظر لحد ما يصحى من النوم".