منال تطلب الخلع: بتعاكس قدام جوزي وبيعمل نفسه مش واخد باله

"طول عمري بحلم براجل شخصيته تكون قوية ويغير عليا وكنت فاكرة ان كل الرجالة كدا في الغيرة لكن اكتشفت العكس لما اتجوزت ولقتني عايشة مع إنسان بارد في مشاعره ورجولته حتى لو اتعاكست قدامه بيعمل مش واخد باله".. جاءت هذه الكلمات على لسان منال وهي داخل جدران محكمة الأسرة، لرفع دعوى خلع من زوجها بعد عام ونصف من الزواج مبررة استحالة العشرة معه.

وروت الزوجة قصتها لـ"أهل مصر"،: "اتجوزت من سنة ونص جواز صالونات، وفترة الخطوبة كانت قصيرة جدا بناءا على رغبة أهله، ملحقتش اعرفه كويس بس وافقت عليه عشان عيلته محترمة وابن ناس، واتجوزنا وكانت فترة جوازنا كلها برود في المشاعر والحياة الزوجية وكل حاجة، على طول قاعد مع نفسه أو التليفون، ولما احاول افتح معاه أي حوار الاقيه قفل معايا عشان يشوف حاجة يعملها، وكنت بتحمل وقول بكرة يتغير لما العشرة تزيد بينا".

وتابعت منال،: "لكن صدمتي لما كنت ماشية معاه في شارع وشباب عاكستني، وهو عمل مش واخد باله، وفضل يلعب في التليفون ولا كإني مراته، فين النخوة والرجولة والشهامة، سقط من نظري لدرجة اني مبقتش طايقة اشوفه، وطلبت الطلاق ورفض، عشان كده لجأت لمحكمة الأسرة لرفع دعوى خلع، وما زالت الدعوى منظورة أمام القضاء".