روى عبود حلمي، سائق سيارة نصف نقل، من المنوفية، تفاصيل عثوره على شنطة بها مجموعة من المشغولات الذهبية وعملات أجنبية وهواتف، قائلًا: أثناء عودتي على طريق العاشر الإقليمي وجدت شنطة على الطريق.
وخلال مداخلة هاتفية ببرنامج 'الحياة اليوم' المذاع على قناة 'الحياة'، قال حلمي: اخدت الشنطة وأنا في الطريق فتحتها لقيت فيها لاب توب ومش موجود عليها أي رقم.
وتابع حلمي: لاقيت على الشنطة اسم حد ومنطقة 'منيا القمح '.. لما فتحت الشنطة لقيت فيها 3 هواتف ولاب توب وسلسلة ذهب ومبلغ مالي كبير وأكثر من 13 ساعة.
وأكمل حلمي: حسيت أن صاحب الشنطة دي في نار.. وأن كل اللي في الشنطة دي مش حاجته تواصلت مع شخص في القرية عندي وهو رفع خبر على صفحة 'منيا القمح'، مُردفًا: بعد ما رفعت الخبر لاقيت ناس كتير بتتصل بيا تقول أن الشنطة بتاعتها.
واختتم: صاحب الشنطة تواصل معايا وقال أوصاف اللي موجود فيها وتاني يوم كان عندي بيستلم الشنطة، صاحب الشنطة كان عايز يديني اللاب توب هدية ولكني رفضت أخذ منه أي حاجة، مُشيرًا إلى أنه كان بحاجة إلى نقود ولكنه رفض تمامًا أن يحصل على أي مبلغ مقابل إعادته لهذه الشنطة.
تابعوا آخر أهل مصر على Google News
