علقت الإعلامية لميس الحديدي على مباراة منتخب مصر لكرة القدم من السيدات تحت 20 عاماً حيث جرت المباراة مع المنتخب اللبناني وحقق المنتخب المصري فوزاً أمام نظيره اللبناني، قائلة: "القصة ماخلصتش عند الفوز وتحية البنات ولا قلنا برافو بس القصة إمتدت لتعليقات سيئة ومزعجة جداً على التواصل الاجتماعي".
وعرضت الحديدي عبر برنامجها " كلمة أخيرة " المذاع على شاشة " ON"نموذج من هذه التعليقات قائلة : " أنا مش عارفة الإعداد شال الأسماء ليه من على التعليقات.. الناس دي لازم تتجرس واحد بيقول للبنات أنا مستني اللي هتجيب جون عشان تقلع التيشيرت وتحتفل وواحد تاني بيقول مالهم ومال الكورة مايروحوا كارفور، عامل عروض أو يتفرجوا على سي بي سي سفرة، وثالث بيقول جون أقلعي التيشيرت بقى".
وتابعت: "دي اسمها قلة أدب وكنت عايزة أجرسهم لو مش عايز تتفرج عليهم إنت حر؟ لو مش شايف أن البنات من حقها تلعب كورة إنت حر؟
لو مش قادر تتحكم في غرائزك أقعد في بيتك وماتلعبش بناتك كورة او اي رياضة عشان ماتهتزش أعضائها اثناء اللعب فتضايق حضرتك".
وواصلت: "ده مش تنمر دي قلة أدب وتحرش وعنف إيه الرسالة اللي بتوصلوها في تعليقاتكم؟ ده مجتمع بيكره الستات أنا مش مقتنعة على الإطلاق أن هذا مجتمع يحترم المرأة بل يتحرش بها ويرى أنها طريقة لإشباع الغرائز ودي حقيقة هذا المجتمع الذي لايرى إلا في ذلك".
وطالبت المجلس القومي للمرأة باتخاذ إجراءات ضد المعلقين على صور المنتخب النسائي على التواصل الاجتماعي وإبلاغ النيابة قائلة: "البنت هتخاف تجري أو تلعب لأنها هتبقى عارفة أن فيه ناس هتتكلم عليها وتطلع عينيها على السوشيال ميديا ".
تابعوا آخر أهل مصر على Google News
