بعد تداول مقطع فيديو لأحد عملاء شركة فودافون تم التعدي عليه بالضرب المبرح من قبل موظفي خدمة العملاء في أحد فروع الشركة، رد صاحب الفيديو المتداول على مواقع السوشيال ميديا ليوضح حقيقة ما حدث معه.
امشي اطلع بره
وقال: 'أنا الدكتور اللي حصلت معاه المشكلة في فرع فودافون أمس وبعمل الفيديو عشان شايف ان الموضوع كبر زيادة عن اللزوم وخد أكبر من حجمه'.
وأضاف: 'الموضوع ببساطة كان عندي مشكلة في الخط بتاعي ورحت الفرع وحجزت دور ودخلت في دوري كعميل وعرضت مشكلتي ومكنش في أي مشكلة وطلب مني اكلم خدمة العملاء وكلمتهم وكان في عميل تاني منتظر دوره فحدث مشادة بينهما وأنا مكونتش طرف في الخناقة فالصوت علي وفي موظف تاني تدخل وعلى صوته قال للعميل الآخر امشي اطلع بره فالكلمة استفزتني وقولت له يعني ايه يطلع بره ده عميل مينفعش تقوله يطلع بره'.
طلب النجدة
وتابع:' الموظف قالي كمان انت هتطلع برا قلت له وريني ازاي هتطلعني برا أنا مش في بيت حضرتك أنا واقف في فرع فودافون، وبعدها أتى موظف وشدني من كتفي وكرد فعل طبيعي زقيته'.
وأوضح أنه في غمضة عين تفاقم الأمر وتم الاشتباك بالايدي، وبناء عليه قام بطلب النجدة وذهب إلى قسم الشرطة وطالب باتخاذ إجراء قانوني ضد الموظف الذي اعتدى عليه.
وأشار إلى أن أحد مسؤولي شركة فودافون تواصل معه وقدم له اعتذارا بعد مشاهدة الفيديو مع التأكيد على ضرورة معاقبة الموظف من قبل الشركة وبناء عليه تم التنازل على المحاضر من قبل الطرفين.
تابعوا آخر أهل مصر على Google News
