كشف الفنان مصطفى درويش، عن تفاصيل أزمته مع الفنان أشرف زكي نقيب المهن التمثيلية، على خلفية الأزمة الصحية الكبيرة التي تعرض لها الفنان شريف دسوقي، قائلا: 'الفنانة بدرية طلبة كلمتني، وقالت لي إنه في مستشفى تحت السلم في الإسكندرية، وكلمت النقابة وأستاذ أشرف زكي قالي حاضر ومعملش حاجة، ومش عارفة أعمل ايه'.
وخلال حواره مع الإعلامية بسمة وهبة مقدمة برنامج 'العرافة'، على قناة المحور، تابع درويش: 'لما قالت لي كده رحت له بالعربية من القاهرة، لأن شريف مقطوع من شجرة، ورحت قعدت مع مدير المستشفى وقالي محدش دفع، فدفعت له الفلوس'.
وواصل درويش: 'شريف كان فاطر معايا من أسبوعين، واتقالي إن رجله اتقطعت، ولما كلمت بدرية قالت لي دكتور أشرف قالي أصله مش نقابي وهنحاول ندبر له من جيبنا، وقابلت شقيق شريف وتعاملت مع المستشفى بايصالات، وكتبت البوست بتاع عشان مش نقابي فالنقابة مش هتقف معاه، وناشدت رئيس الجمهورية'.
تابعوا آخر أهل مصر على Google News
