مبروك عطية عن هجوم نجلاء فتحي على عادل إمام: «شايفاه بيقدم فساد منبهتيهوش ليه؟» (فيديو)

علق الدكتور مبروك عطية أستاذ الشريعة بجامعة الأزهر، على أزمة التسجيل الصوتي المسرب للفنانة نجلاء فتحي عن الفنان عادل إمام، ووصفها إياه بأنه ينشر الفساد منذ 40 عامًا.

وخلال فيديو عبر صفحته الرسيمة بموقع التواصل الاجتماعي 'فيس بوك' قال 'عطية': 'أنتِ شايفة إن فنه بيقدم الفساد، كنتي فين من 40 سنة؟.. شايفة واحد فنه بينشر الفساد منبهتيهوش ليه؟ موعظتيهوش ليه؟'.

وشبه عطية هذه الأزمة بما حدث مع عروس كفر الدوار، التي أوصت زوجها أثناء عقد القران بأمها، قائلًا: 'نجلاء فتحي عملت زي عروسة كفر الدوار، جاي يكتب الكتاب أقوله أمك ثم أمك؟ ماتقالش ليه قبلها الكلام ده وهو بياكل محشي؟ الناس جاية تسمع كلمتين طلبت الزواج منك قبلت وشكرًا، إيه لزمته الكلام ده'.

وتابع عطية: كلا الواقعتين نفس الفكرة 'كلام في غير محله' على حد تعبيره، مردفا: 'لما نستنى واحد طير كل فلوسه وأفلس ونقوله شوفت؟ طب ما نصحتوش وهو بيبعزق ليه؟ بنأخر النصيحة ليه؟ فكان من أول سنة وهو لسة شغال معاكي صبي، كنتي قولتيله اوعى يا واد تنشر الفساد، تبقي أبرأتي الذمة'.