قالت الإعلامية ياسمين عز: "الراجل المحترم بيشتغل ويتعب عشان يقدر يتجوزك ويحفر في الصخر ويشيل هم الدنيا على "أكتافه" اللي هي أصلا بالدنيا، والست بتشتغل عشان تقدر تستقل وتستغنى عنه وتسيبه".
وخلال تقديم برنامج "كلام الناس" عبر فضائية "إم بي سي مصر" تابعت عز: "أنت فاكرة الدنيا من غير الراجل هتكون حلوة؟.. بالعكس.. عذاب ومرار وحزن".
وواصلت عز: "هتكبري وتسيبي شغلك لأنك مشيتي ورا الجهلاء وهو هيكون قاعد متدفي مع أحفاده وعايش حياته".
وفي وقت سابق قالت الإعلامية ياسمين عز: "خدتي بالك إن أول ما جوزك يدخل المطعم ويفتح المنيو بيكون حاسس بحزن وألم، عمرك سألتيه مالك يا فرعون لا انتي بتفكري في طبق الفتة اللي هتشفطيه وخلاص".
وخلال حلقة برنامجها "كلام الناس" عبر فضائية "إم بي سي مصر" تابعت عز: "هو زعلان عشان ملقاش اسمه في قايمة الحلويات، شيء غريب عجيب كل الحلويات أسماء ستات، أم علي، وغزل البنات، وبسبوسة، وصوابع زينب.. ليه مفيش حلويات باسم الراجل؟.. مفيش طبق حلويات اسمه أبو أحمد أو صوابع محمد أو عيون محمود أو حواجب مصطفى".
واختتمت عز: "أرجو من أصحاب المطاعم إضافة طبق حلويات باسم الفرعون الكبير والصغير وأنا متبرعة بحقوق الملكية لمصنع السكر للراجل السكر، الراجل فين؟، ده هو أصل الصناعة".
وفي وقت سابق ردت الإعلامية ياسمين عز على منتقدي نصائحها الأخيرة خاصة بعدما أشار البعض إلى أن تصريحاتها كانت من باب الدعابة، مؤكدة أنها لن تتراجع عن آرائها، كما وجهت العديد من النصائح للزوجات.
وخلال برنامجها "كلام الناس" المُذاع عبر شاشة "إم بي سي مصر" تابعت عز: أنا ليا نصيب من اسمي ومعروف عني في الوسط الإعلامي من زمان إني بدلع الضيف وبعمل حوار حلو ما شاء الله عليا، وأنا بدخل البهجة على قلب الناس وبنام مفرفحة من كلامي كل يوم.
تابعوا آخر أهل مصر على Google News
