علا غانم: «اتهموني بالتعدي على زوجي.. شوفوا حجمه قد ايه وهتعرفوا مين يقدر يعتدي على مين»

كشفت الفنانة علا غانم، تفاصيل مشاكلها مع زوجها رجل الأعمال عبد العزيز لبيب، بعدما أطلقت استغاثة أمس عبر مواقع التواصل الاجتماعي السوشيال ميديا، وتعرضها لأزمة حقيقية.

وقالت 'غانم'، أثناء مداخلة هاتفية، ببرنامج 'الحكاية'، المذاع عبر قناة 'ام بي سي مصر'، قائلة: 'لما روحت القسم لقيتهم بيقولوا ليا أني وأمي اقتحمنا سور الفيلا، واني تعديت على زوجي.. أنتم لو شوفته حجمه وحجمي هتعرفوا مين يقدر يعتدي على مين'.

اتهام علا غانم بالتعدي على زوجها

وأضافت: ' قالولي في القسم لازم تتصالحوا وألا هتقعدوا لغاية تاني يوم في القسم، قولتهم انا مش هتصالح وفتحوا التحقيق وفضلت في النيابة للساعة 6 الصبح، وبعدين رحلونا على القسم، وبعدين قالولي روحي'، متابعة: 'وأنا مروحه لقيت البنات بتوعي المساعدين بيكلموني وبيصرخوا وبيعيطوا أن في 3 ملثمين نطوا على البيت ضربوا الغفير، ولطشوهم بالأئلام والشلاليط طردونا برة البيت'.

وأكملت: 'رحت لبست ورجعت جري على البوليس قبل ما أدخل البوليس، البنات كلموني وقالو لي مستر عبدالعزيز دخل ومعاه 20 راجل جوا البيت، دخلت للبوليس قولتلهم على اللي حصل، قالولي ثانية واحدة هنبعت معاكي قوة، زوجي كان فاكر جاية لوحدي لقيته قام قايل محدش يضرب نار'.

ودخلت علا غانم، في نوبة بكاء، قائلة: 'أمي ضربت بالشوم امامي من قبل زوجي السابق، في منزلي ، وجاءت الشرطة وزوجي السابق داخل المنزل'.