«الإفتاء»: ليس كل من فيه الصلاح والتقوى نأخد منه فتوى

انفعل الشيخ عويضة عثمان أمين الفتوى بدار الإفتاء المصرية، فى رده على متصلة تقول 'إنها طلقت طلقة بائنة من زوجها، ورجعت إليه عرفيا دون مهر أو عقد، لرفض أهلها وأهل طليقها على عودتهما، وإن أحد الشيوخ أبلغها إنه حلالا، لكنها تريد أن تعرف هل ما فعلته حلال أم حرام'.

وخلال مداخلة هاتفية لبرنامج 'فتاوى الناس' المذاع على فضائية 'الناس'، قال عثمان: 'طبعا أنتى طلقتى طلقة بائنة، ولازم العودة تكون بمهر وعقد جديدين، ودى من الأمور اللى بيقع فيها كثيرين ونلاقى المرأة اللى رجعت من طلاق بائن نتيجة خطأ فى الفتوى، وبنقول ليس كل من فيه الصلاح والتقوى نأخد منه فتوى، العلم والصلاح شئ وعلم الفتوى شئ أخر'.

واختتم أمين الفتوى: يعنى عشان ترجع لازم عقد وشاهدين ومهر، اللى عملته خطأ مفيش الشرط الشرعى للرجوع، وبنقول للأهل لما تلاقى أختك عاوزه ترجع لزوجك خليها ترجع، وارجعى بعقد وشهود ومهر'.

وحذر عثمان من الإفتاء بدون علم، قائلا: 'عدم التجرأ على الفتوى أمر مهم، سيدنا عبد الله بن مسعود رضى الله عنه، كان يتكلم عن الإفتاء، قال (من أفتى فى كل ما يسأل عنه فهو مجنون)'.

واختتم عثمان: 'مفيش حد عنده فتوى لكل حاجة، أنت متعرفش قول معرفش أو هسأل أو هبحث أو هشوف، ده عامر بن شراحبيل الشرحى قال (إن أحدكم ليفتي في المسألة ولو وردت على عمر بن الخطاب رضي الله عنه لجمع لها كبار الصحابة)'.