قضت محكمة جنح العجوزة، بتأجيل دعوى صاحب محلات كشري التحرير، ضد 'محمد عادل' المعروف إعلاميًا بعامل نظافة كشري التحرير، إلى جلسة السبت القادم الموافق يوم 24 يونيو الجاري، لاتهامه بنشر أخبار كاذبة والتشهير بالمحلات.
وأجرى موقع أهل مصر، لقاءً مع محمد عادل المشهور إعلاميًا بـ'عامل نظافة كشري التحرير'، والذي تحدث عن أسباب تأجيله الأعمال الفنية، الفترة الماضية، وعلاقته مع السوشيال ميديا.
وقال 'محمد عادل'، إنه أوقف حاليًا أي أعمال فنية بسبب قضيته ضد 'كشري التحرير'، مضيفًا: 'أنا لسة مدخلتش في أعمال فنية في ناس منتجين كلموني كتير في حاجات اتقالت بس لسه هتتعمل انا مش هقدر اعمل حاجة اليومين دول لغاية ما اخلص القضية اللي عندي'.
وأضاف، قائلًا: 'وسبب عجزي في الظهور على التلفزيون القضية اللي عندي، ودا رزقي من عند ربنا'، متابعًا: 'الحمد الله الناس بتحبني ومفيش حد ينتقدني في الشارع ممكن على النت'.
وأكمل: 'أنا راجل متواضع وعمري ما أكبرها على اي حد والناس بتحبني، انا سايبها على الله اللي ربنا يجيبه أنا مرضي بيه ولو رجعت اشتغل تاني عامل نظافة تاني مش عيب وراضي باي حاجة ولو هرجع أمسك المقشة تاني مش عيب'.
وتقدم مدير وشريك 'شركة إدارة وتشغيل مطاعم كشري التحرير'، ببلاغ ضد محمد عادل، في نيابة قسم العجوزة بالجيزة.
تابعوا آخر أهل مصر على Google News
