والد ريم طارق: حسن شاكوش بيهددنا.. واللي ربنا يستره مينفعش نفضحه

علق والد ريم طارق طليقة المطرب الشعبي حسن شاكوش، على أزمة ابنته مع طليقها، موضحًا مطالبه التي يتمنى تنفيذها لحفظ حق نجلته.

وخلال مداخلة هاتفية له ببرنامج '90 دقيقة' مع الإعلامية بسمة وهبة، تابع: 'أنا مش حابب اتكلم في أي حاجة، أنا بنتي اتظلمت ظلم كبير، ودايما بتهدد، من أول المشكلة بيجيلي تهديدات غير عادية، وطلعت استنجدت، وقلت يا جماعة الراجل ده يعرف يعمل ويعمل، ومش هقول سبب الطلاق لأن احنا اتعودنا منجبش في سيرة حد ومنفتش أسرار حد، واللي ربنا يستره مينفعش إحنا نفضحه'.

وواصل: 'أنا عايز أوجهله رسالة أنت جيت خدت بنتي من بيتي، وبنتي كانت متعززة في بيت أبوها ومبسوطة، رجعتهالي أبسط ما يقال عنها أنها كانت جثة مهلهلة مطعونة في كرامتها، الله يسامحك على كل اللي أنت عملته، والحرب دي استنزفت كل قوانا لكن إحنا مكملين، وأخواته بيشتمونا'.

اعتذار حسن شاكوش

واستكمل والد ريم طارق: 'أنا عايز اعتذار من حسن شاكوش على كل الكلام اللي قاله هو وأهله، وأنا بوعده مقابل الاعتذار أني مش هتكلم ولا هقول ايه السبب اللي خلاني أنا وبنتي منقعدش مع حد عشان تصالح وكلام من دا، واللي أنا عايزه هدوم بنتي، وأنا ولا عايز منه أبيض ولا أسود'.