الرئيس السيسي: بنشتري كل حاجة من الخارج بالدولار ونبيعها محليًا بالجنيه

قال الرئيس عبد الفتاح السيسي إن الصناعة جزء كبير من أولويات الدولة لتغطية الفجوة بين الصادرات والإيرادات، ولكن هل الدولة كانت مؤهلة لهذا الأمر.

وخلال كلمته بمؤتمر حكاية وطن تابع الرئيس السيسي: «الكهرباء والطاقة قبل 2014 كانت تحدي مهم أمامنا علشان تكون الصناعة شريك في عملية الصادرات، جذب القطاع الخاص محليا أو خارجي هيقلل الضغط على الدولار».

مؤتمر حكاية وطن

وأكمل: «كل حاجة إحنا بنجيبها من برا بتكون بالدولار وبيتم بيعها محليا بالجنيه، القائمة اللي فيها 125 مشروع التابعة لوزارة الصناعة، بهدف استقطاب المستثمرين، وهدفنا كدولة تقديم الحوافز لتشجيعهم».

وأوضح السيسي: «التسهيلات اللي بتقدمها الدولة للمستثمرين زي الضرائب، ممكن الإعفاء يزيد أكثر من 5 سنوات، ولكن حددنا الـ 5 سنوات علشان نعرف رد المستثمرين، ولكن جهودنا لابد أن تتضاعف لجذب المستثمرين».

وأكمل: «إطارات السيارات بمختلف أنواعها علشان نستوردها هتكلفنا 700 مليون أو 800 مليون دولار، ولكن حالة توطين صناعتها ستكلفنا أقل من 200 مليون دولار».