اعلان

ميار الببلاوي عن كتمان شهادتها بـ أزمة وفاء مكي: مش بريئة.. إحنا هنشكك في القضاء؟! (فيديو)

ميار الببلاوي
ميار الببلاوي

حلت الفنانة المعتزلة ميار الببلاوي ضيفة على برنامج 'العرافة' والذي تقدمه الإعلامية بسمة وهبة على شاشة قنوات المحور، وكشفت خلاله العديد من التصريحات الصادمة بشأن أزمة وفاء مكي مع خادميها.

وخلال الحلقة قالت 'الببلاوي': 'مكتمتش الشهادة.. أنا مكنش في إيدي دليل اكيد ووقت ما طلعت أتكلم وأعيط ده كان بسبب أني شايفة زميلتي طالعة بتستغيث عشان مش لاقية تاكل ودي زميلتي فطلعت ادافع عنها'.

وتابعت ميار الببلاوي حديثها كاشفة عن قصة تعذيب الخادمات من البداية، قائلة: 'كنت نازلة من البيت وكنت مستعجلة عشان عندي فرح، واحدة جاتلي وجبتلي شغلات وقالتلي خديهم قولتلها هخدهم ولقيت واحدة نعسانة والتانية متضايقة وكنت عايزة اخد واحدة ولقيت التانية شعرها محروق وقالوا انها عندها قراع وحلقتلها شعرها، قولتلها لا انتي جيبالي مين لا خديهم وامشي، فطلبوا مني فلوس عشان ترجع بيهم تاني'.

وأكملت 'الببلاوي': 'وفاء مكي كانت بتحرق البنت في دماغها وبتحلقهلها شعرها، وأنا مقولتش إني معايا دليل براءة وفاء مكي والطب الشرعي قال إن الخادمات مكنش عندهم مرض جلدي، ومتكلمتش وقتها عشان كنت معتزلة وقاعدة بربي ابني ورسالة التهديد كان جوزي اللي مش عايزنا افتح علينا فتوحات'.

واختتمت 'الببلاوي': 'كلمت فارس حماد وقولتلهم على اللي شوفته قالولي اللي عندك ولا يقدم ولا يأخر والست دي مش بريئة ولا ليها علاقة بالبراءة إحنا هنشكك في القضاء؟'.

WhatsApp
Telegram
إقرأ أيضاً
عاجل
عاجل
حالة الطقس الآن .. ساعات قاسية تشهدها القاهرة والحرارة تكسر 40 درجة