علّقت الإعلامية لميس الحديدي، على قرار زيادة ساعات قطع الكهرباء على مستوى الجمهورية عن معدل الساعتين يوميا، مشددة على أن "الكهرباء ليست رفاهية".
وقالت الحديدي عبر حسابها على موقع إكس، اليوم الإثنين: "يعني إيه قطع كهرباء 4 ساعات في حرارة 43 وبدون مواعيد محددة؟.. فيه ناس كبيرة لا تتحمل، وناس عيانة وطلبة بيذاكروا وناس بتتعلق في المصاعد، حتى الناس العادية ده أبسط حقوقها".
وأضافت: "الكهربا مش رفاهية، ده حق المواطن ودور الدولة، الناس أهم من أرقام الموازنة الصماء بتاعة الفائض الأولي".
وتابعت: "لو بورسعيد بتقطع الكهرباء فيها 4 ساعات.. محافظات الصعيد بتقطع فيها كام ساعة؟؟ قطع الكهرباء يعني قطع المياه يعني قطع التليفون والإنترنت وخراب الأجهزة الكهربائية.. مين هيعوض يعوض الناس عن كل ده؟؟.. وفي النهاية فين آفق الحل؟؟ لازم نعرف ده حقنا".
ووجهت الحديدي رسالة إلى الدكتور مصطفى مدبولي رئيس مجلس الوزراء، قائلة: "إلى رئيس الوزراء المشغول بتشكيل الحكومة: "فيه فلوس أهو لاستيراد الغاز غير فلوس رأس الحكمة، صندوق النقد، استثمارات الأجانب في أدوات الدين ٣٠ مليار دولار.. ليه مش بنستورد غاز للكهرباء بدل بهدلتنا".
وأضافت: "ما تقولوش الفلوس كلها راحت سداد ديون! لأننا لم نسدد كل ديون شركات البترول الأجنبية وده أحد أسباب نقص الغاز.. الفلوس اتصرفت فين؟ عاوزين إجابة ده حقنا.. وليه مكانش عندك أي تخطيط أصلا لنقص الغاز وبلاش بقى قصة موجة الحر المفاجأة لإنك بتقطع الكهرباء في الحر والبرد".
وكانت وزارتا الكهرباء والبترول أعلنت زيادة فترة تخفف أحمال التيار الكهربائي لساعة إضافية يومي الأحد والاثنين، ليصبح 3 ساعات بدلا من ساعتين خلال هذين اليومين، بيد أن بعض المناطق شهدت زيادة في ساعات الانقطاع لتصل إلى 4 ساعات.
تابعوا آخر أهل مصر على Google News
