نفى عماد متعب، مهاجم النادى الأهلى، رفضه لعدم القيام للإحماء، استعدادًا للمشاركة فى مباراة يانج أفريكانز الجنوب أفريقى، مضيفًا:" أنا لاعب كبير وبحترم النادى وجمهوره وكابتن محمد أبو العلا مدرب الأحمال جه طالبنى فى الدقيقة 78 إنى أقوم أسخن، وقولتله مش هاخد القرار من دماغى محدش طلب منى إنى أسخن".
وأضاف متعب فى مداخلة هاتفية، ببرنامج "ستاد أفريقيا" الذى يقدمه الإعلامى مدحت شلبى، على قناة "أون تى فى" قائلًا:" بعد كده كابتن أسامه عرابى طلب منى أقوم أسخن قومت عادى، فى الفترة الأخيرة لازم عماد متعب يتحط فى جمله مفيدة".
واختتم قائلًا:" بقول للناس بعد إذنكم سيبونى فى حالى وبطلوا إشاعات، لأن الموضوع زاد عن حده ومفيش حد هيقدر يجبرنى على الاعتزال، وبطالب حد من الجهاز الفنى أو إدارى إنه يطلع يأكد الكلام اللى بقوله ده، لأنه لو محصلش تعقيب هيبقى الكلام ده مقصود ومش هقعد فى النادى الأهلى يوم واحد".
تابعوا آخر أهل مصر على Google News
