كشفت الفنانة ميار الببلاوي، عن أسرار تذاع لأول مرة في قضية الفنانة وفاء مكي حول تعذيب الخادمتين بعد مرور 23 عاما على تلك الحادثة.
وقالت ميار الببلاوي، في تصريحات لـ برنامج 'صبايا الشمس' تقديم الإعلامية ريهام سعيد: 'الموضوع تم فتحه حاليا وأنا متكلمتش فيه وأنا مريضة قلب ومفيش مرة دخلت عملت عملية وبقيت قبلها أدعي ربنا يمد في عمري لحد مقول كلمة الحق'.
ميار الببلاوي: يا ترى لو كنت قولت شهادتي كان هيتاخد بكلامي
وأضافت ميار الببلاوي: 'أنا كنت عاوزة أقول حاجة بس مش عارفة الطريق وجوايا صراع إن كلامي دا هيعمل حاجة ولا لأ بقالي 23 سنة تعبانة وبقول يا ترى لو كنت قولت شهادتي كان هيتاخد بكلامي'.
وحكت ميار الببلاوي تفاصيل الحكاية قائلة: 'لما اتجوزت مكنتش شاطرة ومش بعرف أعمل حاجة في البيت وجوزي كان عاوز يجبلي ناس تساعدني كان معايا بنت بتساعدني مدة طويلة واتجوزت ومشيت وبوابة العمارة قالتلي في واحدة تحت معاها بنتين عاوزين يشتغلوا'.
وتابعت ميار الببلاوي: 'بنت منهم هرشت في شعرها ولقيت شعرها أقرع وقولتلها ايه دا قالتلي دول اللي كانوا عند الأستاذة وفاء مكي والبنت عندها قراع ووفاء حلقتلها شعرها ورفضت أن تعملا البنتين معي ولكنهما كانتا بصحة جيدة لكون بدون شعر وخفت منها أن تعدي ابني'.
وواصلت ميار الببلاوي: 'شهادتي اللي بقولها إن البنات جم من عند وفاء مكي مكانوش محروقين ولكن حالقين شعرهم والست مشيت وخدت البنات وتفاجأت بكلام الجرائد بتعذيب البنات ولما شفت صورهم قولت ادة دول اللي الست كانت جيباهملي وكلمت صحفي معروف وكان صديق عزيز ليا أنا ووفاء وقولتله الموضوع دا غلط ووفاء معملتلهمش حاجة وهما جم من عند وفاء مكي لعندي ثم راحوا البلد والمصور قالي فيه شخصية عاوزة تأذي وفاء وكلامك مش هيودي وهيأخر'.
واختتمت ميار الببلاوي: 'كل الكلام دا كان من 23 سنة وربنا مد في عمري عشان أقول كدا والحمد الله إني قولت والموضوع دا كان تاعبني'.
تابعوا آخر أهل مصر على Google News
